Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Zeınetaqy jınaǵymen ıpotekany jabýǵa bolady

2020 jyldyń 9 qazan 2020 19:40

NUR-SULTAN. QazAqparat QR Eńbek jáne halyqty áleýmettik qorǵaý mınıstri Birjan Nurymbetov elimizde qatań karantın engizilse, eńbek naryǵyndaǵy jaǵdaı qandaı bolatynyn sıpattap berdi, dep habarlaıdy QazAqparat tilshisi.

«Maqsattarǵa toqtalatyn bolsaq, turǵyn úı máselesin sheshý eskerilgen. Bul jerde arnaıy ereje bekitiledi, tıisti jumystar atqarylýda. Osy turǵyda negizgi parametrler tek baspana satyp alýmen shektelmegen, ıaǵnı jalpy turyǵyn úı jaǵdaıyn jaqsartýǵa baǵyttalǵan. Ol qarajatqa turǵyn úıdi nemese jer telimin satyp alýǵa bolady. Osy oraıda tek jańa baspana degen uǵym joq, qaıtalama naryqtan da úı satyp alý múmkindigi bar. Ipoteka alýǵa alǵashqy jarna retinde paıdalanýǵa, ıpotekany jabýǵa nemese qaıta qarjylandyrý maqsatyna baǵyttaýǵa bolady», - dedi mınıstr Ortalyq kommýnıkatsııalar qyzmetinde.

Onyń sózine qaraǵanda, bul turǵyda ıpoteka qaı bankten alynǵanyna nemese qandaı baǵdarlamamen rásimdelgenine eshqandaı shekteý qoıylmaıdy.

«Baspana kólemin keńeıtýge paıdalanýǵa bolady. Bul múmkindikti tek ózine emes, sonymen qatar jaqyn týystaryna da taralady dep josparladyq. Jaqyn týystaryna ata-anasy, balalary, baýyrlary ata-ájesi, nemereleri kiredi. Qarajattyń maqsatty paıdalanylýy úshin biryńǵaı operator bolady, sol operator azamattyń tapsyrysy boıynsha jınaqtaýshy qorymen baılanysyp, sol jerdegi tıisti qarajatyńyzdy baspana, jer telimin satyp jatqan adamǵa nemese ıpoteka rásimdelgen bankterge aýdarady», - dep naqtylady mınıstr.

Budan buryn habarlanǵandaı, QR Eńbek jáne halyqty áleýmettik qorǵaý mınıstri « jetkiliktik shegine « qatysty túsinik berdi.

Aıta keteıik, zeınetaqy qarajatynyń bir bóligin paıdalaný quqyǵy 2021 jyldan bastap beriletin bolady. Zeınetaqy jınaqtarynyń bir bóligi turǵyn úı jaǵdaıyn jaqsartý, emdelý nemese qarjy kompanııalaryna basqarýǵa berý úshin alynýy múmkin. Eger maqsatty paıdalanýǵa qajet bolsa, otbasy músheleriniń qarajatyn biriktirýge bolady.


Joǵary qaraı