Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Zeınetaqy jınaǵyna úı alǵandardyń kóbi ekinshi, úshinshi páterin satyp aldy - Otbasy bank

2021 jyldyń 22 jeltoqsan 2021 20:02

NUR-SULTAN. QazAqparat – Zeınetaqy jınaǵynan artylǵan qarajatty alý resmı jumys isteýdiń mańyzdy ekenin kórsetti. Bul týraly «Otbasy bank» AQ basqarma tóraǵasy Lázzat Ibragımova aıtyp berdi, dep habarlaıdy QazAqparat.

«Óz aqshasyn zeınetaqy qorynda qaldyrǵandar da durys sheshim qabyldady dep sanaımyn. Ár adamnyń jaǵdaıyna jeke-dara qaraý kerek. Eger bul sizdiń alǵashqy baspanańyz bolsa, árıne, ony satyp alý qajet boldy. Biraq salymshylarymyzdyń jas erekshelikterine qarap, basym bóligi ekinshi nemese úshinshi páter alǵanyn kórdik. Tolyq tólem jasaǵan salymshylardyń kópshiligi 45 jastan asqan. Degenmen, olardyń kóbine ınvestıtsııalyq basqarýǵa berý, zeınetaqy annýıtetin satyp alý optsııasyn paıdalaný kerek edi dep esepteımin», - dedi Lázzat Ibragımova ortalyq kommýnıkatsııalar qyzmetinde ótken baspasóz máslıhatynda.

Sonymen birge, spıkerdiń aıtýynsha, bul baǵdarlama qazaqstandyqtardyń BJZQ-daǵy aqshasy tolyq saqtalǵanyn kórsetti.

«Óte kóp syn aıtylyp jatyr. Keıbiri aqsha joq, barlyǵy baǵaly qaǵazdarda dep jazdy. Shyn máninde barlyq qarajat saqtaýly tur. Qazirgi ýaqytta Biryńǵaı jınaqtaýshy zeınetaqy qory – zań boıynsha aqshanyń saqtalýyna memlekettik kepildigi bar jalǵyz memlekettik mekeme. Sondaı-aq, bul resmı túrde jalaqy alýdyń qanshalyqty mańyzdy ekenin kórsetti. 2000 jyldardyń basynda tipti az jalaqy alǵan barlyq azamattar da aıtarlyqtaı úlken ınvestıtsııalyq tabys aldy», - deıdi L. Ibraımova.

L. Ibragımova óziniń eńbek jolynan mysal keltirip, 1995 jylǵy 9 sáýirden bastap jumys isteıtinin jáne zeınetaqy jınaqtaryn alý baǵdarlamasyn ózi de paıdalanǵanyn aıtty.

«Mende zeınetaqy jınaqtarynyń jetkilikti somasy boldy, ásirese 1998-2005 jyldary úsh-tórt jumysta qyzmet ettim, birneshe ýnıversıtette sabaq berdim jáne ınvestıtsııalyq tabysym búkil zeınetaqy jınaǵynyń 30 paıyzynan astam jınaldy», - dedi Lázzat Ibragımova.


Joǵary qaraı