Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Zeınetaqy jınaǵynan 1 trln teńgege ıpotekasyz úı satyp alynǵan

2021 jyldyń 29 qyrkúıek 2021 15:26

NUR-SULTAN. QazAqparat – Birjolǵy zeınetaqy tóleminiń arqasynda 147 747 adam ıpoteka kómeginsiz-aq úı satyp alǵan, dep habarlaıdy QazAqparat tilshisi.

Biryńǵaı zeınetaqy jınaqtaýshy qorynyń baspasóz qyzmeti osyndaı málimet taratty.

«Qazaqstandyqtar enpf-otbasy.kz platformasy arqyly turǵyn úı men emdelý aqysyn tóleýge 1,5 trıllıon teńge zeınetaqy jınaǵyn paıdalandy. Birjolǵy zeınetaqy tólemderiniń kómegimen turǵyn úı jaǵdaıyn 279 859 qazaqstandyq jaqsartyp úlgerdi. Onyń ishinde 147 747 adam zeınetaqy tólemderin ıpotekasyz turǵyn úı satyp alýǵa jumsaǵan. Bul maqsatqa jalpy kólemi 1 trıllıon teńgeden astam qarajat ketken. Taǵy 44 100 qazaqstandyq «Otbasy bankindegi» («Báıterek» holdınginiń enshiles uıymy) zaem boıynsha qaryzdaryn óteýge 118 mlrd teńge jaratqan. 31 myń adam ózge ekinshi deńgeıli bankterde 117 mlrd teńgege ıpotekalyq qaryzyn tólegen. Al 17 myńǵa jýyq azamat zeınetaqy tólemderin Otbasy bankinen nesıe alý úshin alǵashqy jarna túrinde jumsaǵan», - dep jazylǵan resmı málimette.

Onyń 84% ekinshi naryqtan baspana alsa, 16% bastapqy jarnany qurylys salýshylarǵa tólep, jańa úıden baspana alýdy jón kórgen.

Taǵy 29 793 qazaqstandyq jalpy kólemi 30 mlrd teńge zeınetaqy jınaǵyn emdelý maqsatyna jumsaǵan.

Birjolǵy zeınetaqy tólemin qoldanǵan qazaqstandyqtardyń ortasha jasy - 41, deni - er azamattar (68%).

Nur-Sultan qalasy, Mańǵystaý oblysy men Almaty qalasy zeınetaqy tólemderin baspana alý úshin eń kóp qoldanǵan aımaqtardyń alǵashqy úshtiginde tur.

Al Soltústik Qazaqstan oblysynyń turǵyndary biryńǵaı zeınetaqy tólemin paıdalanýǵa eń tómen qyzyǵýshylyq tanytqan.

«Qazaqstandyqtard týystaryna kómektesýge asyq jáne bul múmkindikti belsendi túrde paıdalanýda. Oǵan bizdiń statıstıka kýá. Osylaısha, 279 859 adamnyń 35%-y jınaqtaryn jartylaı nemese tolyǵymen týystarynan alyp, ózderiniń turǵyn úı jaǵdaılaryn jaqsartty. Tipti týysqandardyń az ǵana zeınetaqy jınaqtarynyń ózi otbasy ishinde biriktirilgende, turǵyn úı satyp alýǵa nemese qoljetimdi sharttarmen nesıe alý úshin bastapqy jarna tóleýge múmkindik berdi» - deıdi «Otbasy banktiń» basqarma tóraıymy, Lázzat Ibragımova.


Joǵary qaraı