Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jabylyp qalǵan ýnıversıttiń myńnan astam stýdenti basqa JOO-ǵa aýysty

2021 jyldyń 4 jeltoqsan 2021 01:35

NUR-SULTAN. QazAqparat – QR Bilim jáne ǵylym mınıstrliginiń jumys toby Shet tilder jáne iskerlik karera ýnıversıtetiniń stýdentterin basqa joǵary oqý oryndaryna aýystyrýdy aıaqtap jatyr. Bul týraly vedomstvonyń baspasóz qyzmeti málim etti, dep habarlaıdy QazAqparat tilshisi.

«Búgingi tańda 1300 stýdenttiń 1000-nan astamy basqa joǵary oqý oryndaryna aýystyryldy. Qalǵan stýdentterdi aýystyrý máselesi aıaqtalýǵa jaqyn.

Aıta keteıik, buǵan deıin Shet tilder jáne iskerlik karera ýnıversıteti bilim berý lıtsenzııasynan aıyrylǵanyna baılanysty stýdentterin basqa bilim oshaqtaryna aýystyrý úshin jumys toby qurylǵan bolatyn. Bilim jáne ǵylym salasynda sapany qamtamasyz etý komıtetiniń qyzmetkerleri qazir Almaty qalasynda stýdenttermen, ata-analarmen jáne ýnıversıtet qyzmetkerlerimen kezdesýler ótkizip jatyr», - dep jazady mınıstrliktiń baspasóz qyzmeti.

Mınıstrlik mamandarynyń aıtýynsha, byltyr Shet tilder jáne iskerlik karera ýnıversıtetinde tekserý júrip, jumysynda olqylyqtar anyqtalǵan. Osy jazda ýnıversıtet jabylyp, bilim berý lıtsenzııasynan aıyrylatyny týraly aqparat jarııalandy.

«Degenmen, stýdentter basqa joǵary oqý oryndaryna aýyspaı, sot apellıatsııalarynyń nátıjelerin kútý týraly sheshim qabyldady. Tek ýnıversıtet jumysyn is júzinde toqtatqan soń ǵana basqa joǵary oqý oryndaryna aýysýǵa kelisim berdi. Jumys tobynyń aldyna stýdentterdi basqa joǵary oqý oryndaryna aýystyrý mindeti qoıyldy. Barlyq stýdentter transkrıpter alyp, Abylaı han atyndaǵy QazHQ jáne ÁTÝ, «Nur-Múbarak» ýnıversıteti, Almaty gýmanıtarlyq-ekonomıkalyq ýnıversıteti sııaqty joǵary oqý oryndaryna jiberildi. Sondaı-aq joǵary oqý oryndarynyń basshylyqtarynyń jetim balalarǵa jeńildikter berý týraly kelisimi bar», – deıdiQR BǴM Bilim jáne ǵylym salasynda sapany qamtamasyz etý komıtetiniń basqarma basshysy Elvıra Saparbekova.


Joǵary qaraı