Jaǵdaı kúrdelense, karantın rejımin kúsheıtemiz - Baqytjan Saǵyntaev
ALMATY. QazAqparat - Almaty ákimi Baqytjan Saǵyntaev qala turǵyndaryna úndeý jarııalady, dep habarlaıdy QazAqparat tilshisi.
«Qurmetti almatylyqtar. 2020 jyl biz úshin úlken sabaq boldy. Eń bastysy — bosańsymaý. Pandemııa basylǵan joq. Búkil álemdegi jaǵdaı da ýshyǵyp tur. Almaty juqtyrý qaýpiniń «sary» aımaǵyna endi. Barshańyzdy sanıtarlyq erejelerdi qatań saqtaýǵa shaqyramyn. Jaǵdaı kúrdelense, rejımdi kúsheıtemiz», - dedi ákim Instagram paraqshasynda.
Aıta ketý kerek, ótken táýlikte Qazaqstanda KVI belgisi bar pnevmonııanyń 184 jaǵdaıy tirkelse, onyń 84-i - Almatyda.
1 tamyzdan beri Qazaqstanda 41 940 adam pnevmonııaǵa shaldyqty, 440 adam kóz jumdy. 30 422 adam jazylyp shyqty.
