Aýa raıy
Astana 16 °S
Almaty 21 °S
valıýta baǵamy
USD 412.55
EUR 468.66
RUB 5.79
CNY 58.80

Jahandyq JІÓ 5,2% tómendeýi múmkin – Sarapshy pandemııa saldary týraly

2020 jyldyń 12 shilde 2020 16:17

NUR-SULTAN. QazAqparat – Eldiń ornyqty damýy úshin memlekettiń básekege qabilettiligin arttyrý jáne ártaraptandyrý boıynsha tereń qurylymdyq reformalar qajet. Bul týraly QR Prezıdenti janyndaǵy QSZI Áleýmettik-ekonomıkalyq zertteýler bóliminiń aǵa ǵylymı qyzmetkeri Anna Alshanskaıa aıtty, dep habarlaıdy QazAqparat.

«Alty aıdan beri álemniń barlyq elderi buryn-sońdy bolmaǵan COVID-19 vırýsymen kúresip, álemdik ekonomıka pandemııa saldarynan aýyr zardap shegip otyr. Dúnıejúzilik bank boljamyna sáıkes 2020 jyly jahandyq JІÓ 5,2% tómendeıdi dep kútilýde. Sonymen qatar, qazirgi daǵdarystyń ereksheligi – onyń qanshaǵa sozylarynyń belgisiz ekendigi bolyp otyr. Pandemııanyń uzaqtyǵy kóptegen faktorlarǵa – vaktsınanyń jasalýyna, «ujymdyq ımmýnıtettiń» qalyptasýyna, vırýstyń yqtımal órshýine, sonymen qatar memleketterdiń shuǵyl áreketteriniń tıimdiligine baılanysty», - deıdi sarapshy.

Memleket basshysy Q.Toqaevtyń qatysýymen ótken Úkimettiń keńeıtilgen otyrysy el ekonomıkasyn daǵdarystyq basqarý jáne koronavırýstyń taralýyna qarsy kúres máselelerine arnaldy. Osylaısha, 2020 jyldyń birinshi jartyjylynda Qazaqstannyń JІÓ 1,8%-ǵa tómendegen.

«Ásirese, qyzmet kórsetý sektory pandemııa áserin aıryqsha sezindi – bul kezeńde óndiris 5,6% tómendegen. Karantındik sharalar men shıkizat naryǵyndaǵy turaqsyzdyq saldary eldiń bıýdjettik júıesine de áser etti – bıýdjettiń shyǵyny shamamen 1,7 trln teńgeni qurady. Koronovırýstyq pandemııa eńbek naryǵyna da yqpal etti. Eńbek jáne halyqty áleýmettik qorǵaý mınıstrliginiń málimeti boıynsha, jumyspen qamtý organdarynda 2020 jyldyń mamyr aıynyń sońynda jumyssyz retinde tirkelgender sany 161,3 myń adamdy nemese jumys kúshiniń 1,7% qurady», - dedi A. Alshanskaıa.

Sondaı-aq, daǵdarysqa qarsy qabyldanǵan sharalarǵa qaramastan, pandemııanyń jalǵasýy men jańa sanıtarlyq shekteýler bıznes qurylymdaryn da, halyqtyń túrli toptaryn da qosymsha qoldaý sharalaryn qabyldaýǵa májbúrlep otyr.

«Osylaısha, Prezıdent tapsyrmasymen Úkimet pen Ulttyq Bank aǵymdaǵy jaǵdaıdyń nasharlaýy múmkin jaǵdaıǵa áleýmettik-ekonomıkalyq sharalardyń jańa paketin ázirleıdi. Sonymen birge, ortalyq jáne jergilikti memlekettik organdardyń keıbir kemshilikteri men qatelikterin eskere otyryp, Memleket basshysy koronavırýstyq pandemııamen kúreske bólingen bıýdjet qarajatyn jumsaýdyń tıimdiligin taldaýdy tapsyrdy. Prezıdent aıtqandaı, jalpy COVID-19 pandemııasynan týyndaǵan qazirgi daǵdarys eldiń negizgi ekonomıkalyq problemalaryn, áleýmettik júıeniń kemshilikterin jáne Úkimettiń qatelikterin aıqyndady. Eldiń ornyqty damýy úshin memlekettiń básekege qabilettiligin arttyrý jáne ártaraptandyrý boıynsha tereń qurylymdyq reformalar qajet», - dedi A. Alshanskaıa.


Joǵary qaraı