Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jaqsylyq jasaý ultymyzdyń urany bolýy tıis – volonter Ásel Myrzahmetova

2022 jyldyń 21 qańtar 2022 17:40

ORAL. QazAqparat – Qazaqstan Prezıdenti Parlament Májilisinde sóılegen sózinde sırek aýrýǵa shaldyqqan, sondaı-aq daryndy balalarǵa kómek kórsetiletinin atap ótken bolatyn. Osyǵan oraı batysqazaqstandyq erikti, oblystyq máslıhat depýtaty Ásel Myrzahmetova QazAqparat tilshisine suhbat berdi.

Onyń aıtýynsha, bıylǵy qańtardyń qazaq halqyna aýyr tıgeni anyq.

- Jańa jyldan jaqsylyq kútip otyrǵan eshkim de osyndaı qasiretke tap bolyp, aza tutamyz dep oılamaǵany anyq. Alaıda árbir qıyndyqtan keıin bir qýanysh bolatynyn eskersek, keler kúnge úmit arta bilýimiz kerek. «Sen shyndyq aıtyp tursań da, adamdar ádemi ótirikke sengisi keledi», - dep, Omar Haıam aıtpaqshy, adam bardy kórmeıdi, izdegenin kóredi. Sondyqtan qazirgi kúnnen qoǵam qandaı kórinis izdese, sol oshaqtyń ortasynda bolary haq. Ol bolashaǵy bulyńǵyr eldiń nemese múmkińdigi mol memlekettiń keıpinde de bolýy múmkin, - deıdi Á.Myrzahmetova.

Onyń paıymdaýynsha, Táýelsizdik alǵannan bergi otyz jyl ishinde baǵymyz shaýyp, báıge alǵan, turlaýy sheshilmeı, turalap qalǵan tustarymyz da boldy. Endi qazaq halqy eldiń erteńi úshin qam jep, qoldan kelgen kómegin kórsetýi kerek. Jaqsylyq jasap jarysý ultymyzdyń urany bolýy tıis.

- Ásel Qajıahmetqyzy, qazirgi tańda jastar aldynda qandaı maqsat-mindetter tur dep oılaısyz?

- Árbir jas qazaq azamaty joǵary bilim alyp, kásibı maman bolyp sapaly qyzmet kórsetip, adal eńbek ete bilse, shirkin! Masyldyq psıhologııadan arylyp, suranysqa ıe mamandyqty meńgerip, sapaly ómir súrý pozıtsııasyn ustanýy kerek.

Qazaq halqy qashanda qaharman, jastary jalyndy, jigitteri jigerli el. Basyna kún týǵanda, bir jeńnen qol, bir jaǵadan bas shyǵaryp, birige alatynyn keshegi kún kórsetti. Alaıda erlik eldigimizden, batyrlyq baqytymyzdan aıyrmaý kerek. Barlyq iske baıyppen baryp, baısaldylyq tanytýymyz kerek-aq. Eń bastysy, táýelsizdik – baǵa jetpes baılyǵymyz. Odan aıyrylyp qalmaı, baıandy etý barshamyzdyń boryshymyz bolmaq kerek.

- Ózińiz erikti retinde qoǵamdyq qyzmetterdi atqaryp kelesiz. Balalar jylynda nendeı isterdi tyndyrýǵa bolady?

- Ótkensiz búgin joq degen, ózim táýelsiz erikti retinde tórtinshi jyl qyzmet atqaryp kelemin. Óz komandammen birge kóbinese jalǵyzilikti jandarǵa, múgedek balalary bar otbasylarǵa qolushymyzdy sozamyz. Mysaly, pandemııaǵa baılanysty karantın jarııalanǵan kezde úıinen shyǵa almaı, otyryp qalǵan muqtaj jandarǵa járdemdestik. Jańa oqý jyly aldynda kómekti qajetsinetin balalarǵa oqý quraldaryn, kıimderdi alyp beremiz. Ótken jyly Táýelsizdiktiń 30 jyldyǵyna oraı aı saıyn otyz otbasyny qamqorlyqqa aldyq. Halyqaralyq balalardy qorǵaý kúnine oraı aldymn sal aýrýyna shaldyqqan balalardy atpen serýendettik. Ekinshi kúni jetkinshekterdiń bir tobyn oblystyq polıtsııa departamentine aparyp, tergeýshiler men krımınalıster, kınologtar jumysymen tanystyrdyq. Bul olardyń boıynda polıtsııa qyzmetine degen qyzyǵýshylyqty oıatty. Sondaı-aq az qamtylǵan otbasylardyń kishkentaı baldyrǵandardy kınoteatrǵa apardyq. Osy úsh toptyń bárine dastarhan jaıylyp, táttiler úlestirildi. Tártip saqshylarynyń kómegimen Tasqala aýdanynan 85 bala Oraldaǵy «Svetlıachok» demalys lagerine kelip, serýendep tynyqty.

Jańa jyldyq merekege oraı osyndaı is-sharalar jalǵasyn tapty.

Memleket basshysynyń tapsyrmasyna sáıkes balalar jylynda olarǵa barynsha qolushyn sozyp, qarlyǵashtyń qanatymen sý sepkendeı, qamqorlyq tanyta bilýimiz kerek. Bul – meniń ómirlik ustanymym.

- Áńgimeńizge rahmet!


Joǵary qaraı