Aýa raıy
Astana 28 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Jaqynda alǵashqy patsıentterdi qabyldaıdy – Saǵyntaev Halyk Arena týraly

2020 jyldyń 11 shilde 2020 16:48

ALMATY. QazAqparat - Qala ákimi Baqytjan Saǵyntaev Instagram paraqshasynda Halyk Arena gospıtalinde daıyndyq qalaı júrip jatqanyn jazdy, dep habarlaıdy QazAqparat tilshisi.

Ákim jalpy qaladaǵy ınfektsııalyq jáne provızorlyq aýrýhanalarǵa qosymsha oryndar uıymdastyrý týraly jazdy.

«Qaladaǵy juqpaly jáne provızorlyq statsıonarlar úshin qosymsha ashylýǵa tıis oryndardyń uıymdastyrý barysymen tanystym. Halyk Arena-da 1 myń orynǵa arnalǵan statsıonar ashylady. Sonyń ishinde reanımatsııalyq 60 oryn ashylady. Daıyndyq barysynda sanıtarlyq qaýipsizdiktiń eń qatań talaptary eskeriledi. Taza jáne las aımaqtarǵa arnalǵan shlıýzder men týnnelder, jeldetý jáne zalalsyzdandyrý júıeleri ornatyldy. Kezeń-kezeńimen medıtsınalyq jabdyqtar ornatylady. Dárigerlik brıgadalar daıyndalýda. Jaqynda arada bul jer alǵashqy patsıentterdi qabyldaıdy», - dedi B. Saǵyntaev.





Sondaı-aq, jaqynda Jarbosynov atyndaǵy ýrologııa UO-y bazasynda 150 orynǵa arnalǵan ınfektsııalyq statsıonar ashylatyn bolady. Búginde qoǵamdyq densaýlyq basqarmasy ornalasqan OQK korpýsynda qosymsha oryndar ashylady. Sondaı-aq juqpaly aýrýlar aýrýhanasynda da qosymsha oryndar ashý kózdelgen. №4 perzenthananyń jańa ǵımaratyn paıdalanýǵa berý tezdetiledi. Psıhonevrologııalyq ortalyqtyń qurylysy aıaqtalýǵa jaqyn. Bir aıdan keıin bul jer juqpaly aýrýlar statsıonaryna aınalady. Osy aralyqta basqa da nysandar, sonyń ishinde qonaq úıler, sanatorııler men jataqhanalar daıyn bolady.

«Qabyldanǵan sharalardyń arqasynda Memleket basshysynyń tapsyrmasyna sáıkes qajetti oryndar rezervi qurylatyn bolady», - dedi ol.

Búginde Almatyda qaýipti indetti juqtyrǵan naýqastardy emdeý úshin 4 669 orynǵa arnalǵan 21 medıtsınalyq uıym jumys isteıdi.











Joǵary qaraı