Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Jalaǵashta brondy keýdeshe men áskerı kaska jasaıtyn óndiris orny bar

2020 jyldyń 15 qazan 2020 13:21

JALAǴASh. QazAqparat - Qyzylorda oblysy Jalaǵash aýdanyndaǵy «Órken Álem» JShS brondy keýdeshe jáne kaska daıyndaý baǵytynda ónimdilikti arttyryp keledi, dep habarlaıdy QazAqparat tilshisi.

Seriktestikte 60-qa jýyq adam eńbek etedi. Óndiris orny byltyr 5 myń dana brondy keýdeshe, 2 myń dana kaska daıyndaǵan. Bıyl 4840 dana brondy keýdeshe tigip úlgerdi.

Aıta keteıik, tseh bir jylda - 7,5 myń danaǵa deıin brondy keýdeshe, 15 myń danaǵa deıin áskerı kaska jáne 500 dana arnaıy kıim tigýge qaýqarly. Іrgeli nysan óndiris kólemin keńeıtti.

Ónerkásip aýmaǵynda quny 80 mln teńgeni quraıtyn arnaıy kaska daıyndaý tsehynyń jumysyn bastady.

Seriktestik eki jyldaı buryn jumysyn bastaǵan. Jobanyń jalpy quny - 38,2 mln teńge. Jańa standartqa saı tigin mashınalary Reseıden jetkizildi. Seriktestik memlekettik tapsyrysty oryndaıdy.

Oǵan qosa aýdan turǵyndaryna da qyzmet kórsetedi. Kıim-keshek, quraq kórpesheler, tósek jabdyqtaryn tigedi.

Seriktestikte pandemııa kezinde 7000 betperde tigildi.

Bul dúnıeler jergilikti turǵyndarǵa aýdandyq jumyspen qamtý, áleýmettik baǵdarlamalar jáne azamattyq hal aktilerin tirkeý bólimi arqyly tegin taratyldy.





Avtor Ádiljan Úmbet
Basty sózder: Ónerkásip, Qyzylorda oblysy,
Joǵary qaraı