Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jalǵan vaktsınatsııa pasportyn jasaǵandarǵa qandaı jaza qoldanylady

2021 jyldyń 30 qarasha 2021 16:55

NUR-SULTAN. QazAqparat – Elimizde osy jyldyń basynan beri koronavırýs ınfektsııasyna qarsy jalǵan vaktsınatsııa pasportyn jasaýdyń 207 faktisi tirkeldi. Bul jaıynda QR Іshki ister mınıstrliginen málim etti, dep habarlaıdy QazAqparat tilshisi.

«Jalǵan vaktsına pasporttary men PTR-anyqtamasyn daıyndaý jáne satýmen aınalysatyn adamdardy anyqtaý maqsatynda Іshki ister mınıstrliginiń jaýapty qurylymdyq bólinisteri tıisti jumystardy únemi júrgizip keledi. Jalǵan qujattardy satý boıynsha berilgen habarlandyrýlardy anyqtaý úshin ınternet jelisine, áleýmettik jelilerge jáne messendjerlerge monıtorıng júrgiziledi», - dep atap ótedi mınıstrlikten.

Vedomstvo málimetinshe, jyl basynan beri ishki ister organdarynda barlyǵy 321 is tirkeldi.

Onyń ishinde PTR-testi qoldan jasaý boıynsha – 114 fakt, vaktsına pasporttaryn qoldan jasaý boıynsha 207 fakt bar.

«Bul quqyq buzýshylyq úshin QR Qylmystyq kodeksiniń 385-baby boıynsha jalǵan qujat jasaǵandarǵa 4 jylǵa deıin bas bostandyǵynan aıyrý túrindegi qylmystyq jaýapkershilik, al ony paıdalanǵany úshin 40 táýlikke deıin qamaýǵa alý qarastyrylǵan», -delingen taratylǵan aqparatta.


Joǵary qaraı