Aýa raıy
Astana 11 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysy bıznes-jobalardy qarjylandyrý isin sátti júzege asyrýda

2020 jyldyń 24 qyrkúıek 2020 01:25

TARAZ. QazAqparat – Jambyl oblysynyń ákimi Berdibek Saparbaev «Damý» kásipkerlikti damytý qory» AQ basqarma tóraıymy Gaýhar Bóribaevamen kezdesti, - dep habarlaıdy QazAqparat tilshisi.

Aımaq basshysy «Damý» qory bıznes - ahýaldy jaqsartý jáne shaǵyn jáne orta bıznesti belsendi qoldaý boıynsha aýqymdy jumystar júrgizip jatqanyn atap ótti.

«Prezıdent Qasym-Jomart Toqaevtyń tapsyrmasy boıynsha eldegi kásipkerlikti damytýǵa erekshe kóńil bólinýde. Ekonomıkalyq problemalar aıasynda bul másele erekshe ózekti bolyp otyr. «Damý» qory bıznesti damytýǵa, perspektıvalyq jobalardy iske asyrýǵa jáne jańa jumys oryndaryn ashýǵa barynsha yqpal etýde», - dedi Berdibek Saparbaev.

Gaýhar Bóribaeva qordyń qoldaýymen Jambyl oblysynda birneshe ondaǵan tabysty jobalar júzege asyrylǵanyn basa aıtty.

«Men birneshe kásiporynda boldym jáne olardyń eń jańa tehnologııalardy qoldanatyndyǵyna kóz jetkizdim. Jambyl oblysynda bıznes meılinshe jemisti damýda. Jumys istep turǵan shaǵyn jáne orta bıznes sýbektileriniń sany 68,7 myńǵa jetken», - dedi ol.

Jambyldyq kásipkerler «Damý» qorynyń qarjylandyrý, sýbsıdııalaý, kepildendirý, oqytý sekildi tıimdi tetikterin belsendi paıdalanýda.

Nátıjesinde 11,3 myń joba júzege asyrylǵan.

Aǵymdaǵy jyly birinshi baǵyt – bıznes-jobalardy qarjylandyrýdy júzege asyrý boıynsha Jambyl oblysy basqa aımaqtar arasynda ekinshi orynǵa turaqtaǵan. 1 tamyzdaǵy jaǵdaı boıynsha 9560 qaryz alýshy tirkelgen. «Bıznestiń jol kartasy-2025» aıasynda 1057 joba sýbsıdııa alsa, al 486 joba ishinara nesıelik kepildemege qol jetkizgen.

«Bereke» óńirlik qarjylandyrý baǵdarlamasy aıasynda aǵymdaǵy jyldyń 1 tamyzyndaǵy jaǵdaı boıynsha 150 qaryz alýshy qarjylandyrylǵan.

Gaýhar Bóribaeva sonymen qatar «Nurly jer» jáne «Qarapaıym zattar ekonomıkasy» baǵdarlamalarynyń tetikteri týraly toqtalyp ótti.

Kezdesý qorytyndysymen taraptar aldaǵy ýaqytta da ózara tıimdi yntymaqtastyqta jumys isteýge nıet bildirdi.


Joǵary qaraı