Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysy Merki aýdanyna jańa ákim taǵaıyndaldy

2021 jyldyń 2 naýryz 2021 17:22

TARAZ. QazAqparat – Jambyl oblysy ákiminiń ókimimen Qazaqstan Respýblıkasy Prezıdenti Ákimshiliginiń jáne aýdandyq máslıhat depýtattarynyń kelisimimen Rýslan Nursıpatov Merki aýdanynyń ákimi bolyp taǵaıyndaldy, dep habarlaıdy QazAqparat tilshisi.

Berdibek Saparbaev jańa basshyny aýdan aktıvine tanystyrdy. Aýdannyń jańa basshysyna aýdannyń áleýmettik-ekonomıkalyq damýy, zańdylyq pen tártipti nyǵaıtý boıynsha birqatar mindet júkteldi.

«Meıirhan Ómirbek 5 jyldaı qyzmet atqardy. Túrli qıyndyqqa qaramastan, mindetin oryndaı aldy. Merki aýdanynyń áleýeti joǵary. Rýslan Maratuly buǵan deıin ákim bolǵan Meıirhan Ómirbektiń jumystaryn sátti jalǵastyrady dep senemin. Eń bastysy – qoǵamdaǵy birlik desek, osy oraıda turǵyndardy, zııaly qaýymdy aýdannyń jańa basshysyn qoldap, birlese jumys jasaýǵa shaqyramyn»,- dedi B. Saparbaev.

Meıirhan Ómirbek ózine qoldaý bildirgenderge alǵys aıtty. Al, aýdannyń jańa ákimi Rýslan Nursıpatov artylǵan senim men jaýapkershilik údesinen shyǵýǵa, Merki aýdanynyń damýy úshin bar kúsh-jigerin salýǵa tyrysatynyn jetkizdi.

Aımaq basshysy aýdannyń áleýetin paıdalana otyryp, ınvestıtsııa tartýǵa, óndiristi damytýǵa basa mán berý kerektigine toqtaldy. Sondaı-aq, aýdannyń aýyl sharýashylyǵyna beıimdiligin tilge tıek etip, uńǵymalardy qalpyna keltirý, sý únemdeý tehnologııasyn kóptep engizý, qant qyzylshasy óndirisin óristetý, bal sharýashylyǵyn damytý, sapaly tuqym jáne tyńaıtqyshty paıdalaný, úı irgesindegi jerdi tıimdi ıgerý máselelerine aıryqsha den qoıyldy. Aýdan túlekterin týǵan ólkesiniń áleýmettik máselelerin sheshýge de tartý jumystaryn jandandyrý tapsyryldy.

Aıta keteıik, Rýslan Maratuly 1967 jyly týǵan. Bilimi joǵary. Ol Almaty tehnologııalyq tehnıkýmyn «tamaq ónerkásibi kásiporyndarynyń jabdyǵy», Qazaq ulttyq agrarlyq ýnıversıtetin «agronomııa», «qarjy» mamandyqtary boıynsha bitirgen.

Eńbek jolyn 1989 jyly Qordaı aýdandyq tutynýshylar odaǵynyń nan shyǵaratyn tsehynda jumysshy bolyp bastaǵan.

1989-1994 jyldary Mıhaılovka aýylynyń naýbaıhana meńgerýshisi, 1994-1995 jyldary Qordaı aýdandyq tutynýshylar odaǵynyń nan shyǵaratyn zaýyty dırektorynyń orynbasary, birinshi orynbasary, 1995-2001 jyldary Qordaı aýdanynyń tamaqtaný ornynyń dırektory, 2002-2004 jyldary «Astyq Astana-Qordaı 2030» JShS-niń dırektory, 2004-2009 jyldary Jýaly aýdany ákiminiń orynbasary, 2011-2014 jyldary Qordaı aýdanynyń Poshta baılanysy torabynyń basshysy, 2016 jylǵy qańtar-naýryz aralyǵy Qordaı aýdandyq «Nur Otan» partııasy fılıalynyń konsýltanty qyzmetterin atqarǵan.

2016 jylǵy naýryzdan bastap búgingi kúnge deıin Qordaı aýdandyq máslıhatynyń hatshysy laýazymynda bolyr istedi.


Avtor Saıa Sembaı
Basty sózder: Taǵaıyndaý, Ákim, Jambyl oblysy,
Joǵary qaraı