Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda 108,1 mln teńge jalaqy bereshegi óteldi

2021 jyldyń 17 maýsym 2021 02:25

TARAZ. QazAqparat – Jambyl oblysynyń ákimi Berdibek Saparbaevtyń tóraǵalyǵymen ótken kezekti apparattyq keńeste qaýipsiz eńbek jaǵdaılaryn qamtamasyz etý máseleleri saralandy, dep habarlaıdy QazAqparat tilshisi.

«Oblystyń keıbir aýdandarynda aýyr júk tehnıkalarynyń saldarynan jóndelgen joldar qaıta buzylýda. Tıisti basqarma merdigerlerden anyqtalǵan kemshilikterdi retteýdi talap etýi tıis.

Kólik ınspektsııasy aýyr júk kólikteriniń qozǵalysyn baqylaýdy kúsheıtýi kerek», - dedi oblys ákimi.

Sondaı-aq, keńeste Eńbek ınspektsııasy basqarmasynyń basshysy Qaırat Dosaev, jyl basynan beri memlekettik eńbek ınspektorlary 475 jeke jáne zańdy tulǵanyń ótinishi negizinde 36 jospardan tys tekserý júrgizip, 26 zań buzýshylyqtyń anyqtalǵanyn málim etti. Nátıjesinde jalpy quny 1 mıllıonnan astam teńge kóleminde 8 aıyppul salynyp, 15 nusqama berilgen.

Jyl basynan beri 108,1 mln teńge kóleminde jalaqy bereshegi anyqtalyp, búgingi kúnge deıin ol tolyǵymen ótelip, 733 qyzmetkerdiń eńbek quqyǵy qorǵalǵan.

Odan bólek, oblystyq «Ystyq núkte» kartasy ázirlenip, oǵan óńirdegi eńbek táýekel qaýpi joǵary 45 kásiporyn engizilip, turaqty baqylaýǵa alynǵan.

Sonymen qatar, Qaırat Dosaev Taraz qalasyndaǵy barlyq kásiporyndar ujymdyq kelisimshartqa otyrmaǵanyn tilge tıek etti.

Berdibek Saparbaev Taraz qalasy men aýdandardyń ákimdikterine ujymdyq sharttarǵa qol qoıý jáne elektrondy eńbek sharttaryn engizý barysyn qadaǵalaýdy tapsyrdy.

«Eń bastysy – sapaly qurylyspen qarajattyń ýaqtyly ıgerilýi, jergilikti materıaldardyń qoldanylýy, jańa jumys oryndarynyń ashylýy jáne jumysshylarǵa jalaqynyń turaqty tólenýi», - dep túıindedi oblys ákimi.


Joǵary qaraı