Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambyl oblysynda 269 búlikshi ustaldy

2022 jyldyń 10 qańtar 2022 12:54

TARAZ. QazAqparat - Jambyl oblysynda jaǵdaı turaqtaldy. Ahýal jergilikti bıliktiń qurǵan jedel shtabynyń qatań baqylaýynda, dep habarlaıdy QazAqparat.

Oblys ortalyǵy Taraz qalasynda terrorlyq shabýylǵa tosqaýyl qoıylyp, on shaqty qarýly qylmyskerdiń kózi joıylyp, 269 búlikshi ustaldy. 20 qylmystyq is qozǵaldy. 104 ákimshilik is qozǵaldy.

Jalpy, 15 adam qaza tapty. Onyń 2-i quqyq qorǵaý organdarynyń qyzmetkerleri.

Ákimdikti órtegen belsendi 4 adam ustalyp, 2 Kalashnıkov avtomaty tárkilendi.

Qarýlanǵan topqa qarsy Polıtsııa, UQK departamentteri men «Ońtústik» áskerı qolbasshylyǵynyń 2000-nan astam qyzmetkeri, 100-den astam arnaıy tehnıkasy jumyldyryldy.

7 polıtseı jaraqat alsa, onyń ishinde 2-ine oq tıgen. 100-den astam qyzmettik kólik zardap shekti.

283 adam dárigerler kómegine júgingen, onyń 42-si aýrýhanada jatyr.

Temirjol vokzalynda 23.00-den keıin poıyzdan túsetin jolaýshylardy arnaıy kezekshi avtobýstar tasymaldaıdy.

Qylmyskerlerdi ustaý, jedel izdestirý sharalary jalǵasýda.

Oblys boıynsha 29 blok-beket jumys isteýde, onyń ishinde Taraz qalasynyń kiris-shyǵys qaqpalaryna 10 blok-beket qoıylǵan. Barlyq kólikter tekserilýde. Búgingi tańda olarǵa 4 ret shabýyl jasalǵan.

Blok-beketterde shetel, basqa óńirlerden kelgen kólikteri anyqtalýda.

Búlikshiler oblys ákimdiginiń, «Nur Otan» partııasy fılıalynyń jáne polıtsııa departamentiniń ǵımarattaryn órtegen.

Zaqym kelgen nysandardy qalpyna keltirý jumystary bastaldy. Zardap shekken áleýmettik nysandar joq.

Óńirde qoǵamdyq tynyshtyqty saqtaý boıynsha jergilikti bılik pen erikti halyqtyń, qoǵam belsendileriniń birlesken jumysy jalǵasýda.

TJ beketi, áýejaı, áskerı qoımalar, «Ámir jáne D» áskerılerdiń qorǵaýynda.

Sondaı-aq, mańyzdy strategııalyq nysan bolyp tabylatyn Qordaı aýdany Otar áskerı qalashyǵyndaǵy Bıologııalyq qaýipsizdik problemalary ǴZI áskerılermen qorǵalýda.

Kommýnaldyq qyzmetter turaqty jumys istep jatyr.


Joǵary qaraı