Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jambyl oblysynda 48 815 adam revaktsınatsııadan ótken

2022 jyldyń 20 qańtar 2022 02:39

TARAZ. QazAqparat – Ótken táýlikte Jambyl oblysynda koronavırýstyń 259 jaǵdaıy, pnevmonııanyń 1 deregi tirkeldi.

Bul týraly aımaq basshysy Berdibek Saparbaevtyń tóraǵalyǵymen ótken kezekti apparattyq keńeste aıtylyp, aýrýshańdyqtyń aldyn alýǵa baǵyttalǵan sharalardy kúsheıtýge jumystary saralandy, - dep habarlaıdy QazAqparat tilshisi.

Densaýlyq saqtaý basqarmasynyń basshysy Áset Qalıev óńirdegi epıdemıologııalyq ahýal jáne vaktsınatsııalaý jumystarynyń barysy týraly baıandady.

Onyń aıtýynsha, jalpy búginge deıin oblys aýmaǵynda COVID-19 vırýsynyń 22 785 jaǵdaıy, pnevmonııanyń – 8348 jaǵdaıy tirkelgen.

«18 jeltoqsannan 18 qantarǵa deıingi aralyqta aýrýshańdyq deńgeıi 10 esege kóbeıdi. Bekitilgen josparǵa sáıkes, aǵymdaǵy jaǵdaı boıynsha oblystaǵy aýrýhanalarda 778 ınfektsııalyq, onyń ishinde 87 reanımatsııalyq tósek qory, oǵan qosa 120 tósek orynǵa arnalǵan karantındik statsıonarlar jumys atqarýda.

Epıdemıologııalyq jaǵdaıǵa baılanysty COVID-19-ben aýyratyn naýqastardy emdeý úshin qosymsha rezerv retinde
2 682 ınfektsııalyq, onyń ishinde 266 reanımatsııalyq tósek qory ashylyp, jumyldyrylatyn bolady.

Sońǵy aqparat boıynsha ınfektsııalyq statsıonarlardaǵy tósek oryndardyń tolýy 47 paıyzdy, reanımatsııalyq tósekterdiń júktemesi 30 paıyzdy quraıdy»,-dedi Á. Qalıev.

Búginge deıin oblysta koronavırýsqa qarsy vaktsınanyń 1-komponentin 633 397 adam qabyldasa, (100,3% qurady), 2-shi komponentin 567 671 adam saldyrǵan. Egýden keıingi asqynýlar tirkelgen joq.

Pfizer vaktsınasynyń 1 komponentin 35 771 adam (25,7%), 2 komponentin 10 460 adam qabyldaǵan. Onyń ishinde 30453 jasóspirim, 1962 júkti áıel jáne 3356 bala emizetin áıel egilgen.

Búgingi kúni revaktsınatsııadan ótkender turǵyndar sany 48 815-ti quraıdy.

«Epıdemıologııalyq ahýal kúrdelenip keledi. Buǵan sanıtarlyq talaptardyń saqtalmaýy sebep dep oılaımyn. Monıtorıng toptardyń jumysyn kúsheıtý kerek. Dertten qutylýdyń jalǵyz joly – vaktsınatsııa, revaktsınatsııa. Sondyqtan osy baǵyttaǵy sharalardy arttyrý mańyzdy. Halyq arasynda túsindirý jumystaryn jandandyrý qajet»,-dedi aımaq basshysy.


Joǵary qaraı