Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda 500-jýyq mas júrgizýshi ustaldy

2021 jyldyń 26 qyrkúıek 2021 02:15

TARAZ. QazAqparat – Jambyl oblysynyń PD bastyǵy Janat Súleımenov jol qozǵalysy qaýipsizdigin qamtamasyz etý máseleleri boıynsha keńes ótkizdi, dep habarlaıdy QazAqparat tilshisi.

Janat Súleımenov jyldyń segiz aıynyń qorytyndysy boıynsha qabyldanyp jatqan sharalarǵa qaramastan, JKO-nyń sany 19%-ǵa artqanyn atap ótti. Kóptegen avarııalar júrgizýshilerdiń kinásinen oryn alýda.

Árbir tórtinshi JKO jyldamdyq rejımin buzýmen baılanysty, al árbir besinshi JKO tranzıttik kóliktiń qatysýymen bolady.

Jambyl oblysynyń aýmaǵy arqyly tek bir táýlik ishinde 9 myńnan astam tranzıttik avtomobıl, onyń ishinde 8 myń jeńil jáne 1 myń júk kóligi ótetinin jetkizdi.

Sonymen qatar oblys avtoparkindegi kólik sanynyń ósimi 10 jylda 23%-dy quraıdy.

«Qabyldanǵan sharalardyń nátıjesinde ótken jylmen salystyrǵanda jol qozǵalysy erejelerin buzýdyń anyqtalýy eki esege artty, kólikti mas kúıinde júrgizgeni úshin 500-ge jýyq júrgizýshi ustaldy. Mas júrgizýshiler sot sheshimimen júrgizýshi quqyǵynan aıyrylady. Avtojoldardaǵy apattylyqtyń ósýine yqpal etetin sebepterdi joıý maqsatynda oblys ákimdiginiń avtomobıl joldary jáne jolaýshylar kóligi basqarmasymen jáne Jambyl oblysy boıynsha «Qazavtojol» aktsıonerlik qoǵamynyń fılıalymen birlesken keńes ótti»,-dedi departament bastyǵy.


Avtor Saıa Sembaı
Basty sózder: Jambyl oblysy, Qoǵam,
Joǵary qaraı