Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda 7 aıdyń ishinde 431 mas júrgizýshi ustalǵan

2021 jyldyń 24 tamyz 2021 19:33

TARAZ. QazAqparat – Jambyl oblysynyń PD bastyǵy Janat Súleımenovtiń basshylyǵymen jol-kólik oqıǵalary jáne onyń saldaryn boldyrmaý boıynsha qabyldanyp jatqan sharalar týraly jedel keńes ótti, dep habarlaıdy QazAqparat tilshisi.

Aǵymdaǵy jyldyń jeti aıynyń qorytyndysy boıynsha óńirde boıynsha jol-kólik oqıǵalarynyń sany artqan, alaıda polıtsııa qyzmetkerleri jol jaǵdaıyn turaqtandyrý boıynsha turaqty negizde profılaktıkalyq jumystar júrgizýde.

Statıstıkalyq taldaý nátıjeleri jol-kólik oqıǵalarynyń 98 paıyzy (576-nyń 570-i) júrgizýshilerdiń kinásinen oryn alǵanyn kórsetedi. Olardyń negizgi sebepteri-jyldamdyq rejımin arttyrý jáne kólik júrgizý barysynda uıyqtap ketý. Sondaı-aq, syrtqy faktorlar, máselen, jol keptelisi, táýliktiń qarańǵy mezgili, qolaısyz aýa-raıy jáne basqa da faktorlar áser etedi. «Batys Eýropa-Batys Qytaı» respýblıkalyq kólik joldarynda júrgizilgen hronometrajǵa sáıkes, bir táýlik ishinde Jambyl oblysynyń aýmaǵy arqyly 8 myńnan astam kólik ótedi. Onyń ishinde 7 myńǵa jýyq jeńil avtokólik jáne basqa aýyr júk kólikteri bar.

Aǵymdaǵy kezeńde patrýldik qyzmet ınspektorlarymen 123 myńnan astam jol qozǵalysy erejelerin buzýshylyq deregi anyqtaldy, bul ótken jylǵy kezeńmen salystyrǵanda 57,7 paıyzǵa artyq. Sondaı-aq 431 júrgizýshi mas kúıinde ustaldy, 199 azamat sot sheshimderi boıynsha júrgizýshi kýáliginen aıyryldy. Jol qozǵalysy erejelerin buzýshylarǵa 1 mlrd 37 mln teńgeden astam somaǵa aıyppul salyndy.

Apattylyq jaǵdaıyn tómendetý úshin turaqty túrde jedel-aldyn alý is-sharalary júrgiziledi.

«QazAvtoJol» UK» aktsıonerlik qoǵamymen birlesip, respýblıkalyq kólik joldarynyń avarııalyq-qaýipti ýchaskelerinde shý jolaqtaryn qosymsha túsirý, jol belgilerin, aqparattyq tablolardy (aýa-raıynyń nasharlaýy, kóktaıǵaq, eń joǵary jyldamdyqty shekteý-50 km/saǵ)ornatý jáne kólik quraldarynyń jyldamdyǵyn ólsheý boıynsha «Avtoýragandardy» qoıýǵa qatysty jumystar jalǵasýda.

Keńes barysynda jol basqarmalary men qyzmet basshylarynyń apattylyqty azaıtý jónindegi esepteri tyńdaldy. Sondaı-aq, QR Іshki ister mınıstri polıtsııa general-leıtenanty E. Z. Turǵymbaevtyń tarapynan qoıylǵan osy baǵyttaǵy mindetterdi oryndaý maqsatynda birqatar tapsyrmalar berildi.


Joǵary qaraı