Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda 7 júkti áıel reanımatsııada jatyr

2021 jyldyń 10 qyrkúıek 2021 17:08

NUR-SULTAN. QazAqparat – Jambyl oblysynda COVID-19 statsıonarynda 36 júkti áıel jatyr. Onyń jeteýi reanımatsııaǵa túsken, dep habarlaıdy QazAqparat tilshisi.

Bul týraly Jambyl oblysy ákiminiń orynbasary Almas Mádıev ortalyq kommýnıkatsııalar qyzmetinde ótip jatqan brıfıngide aıtty.

«Monıtorıng boıynsha, oblys aýmaǵynda COVID-19 indeti bastalǵannan beri 18 836 jaǵdaı tirkeldi. 100 myń turǵynǵa shaqqanda aýrýshańdylyq kórsetkishi 1 654 adamnan keledi. Pnemonııadan 7 117 jaǵdaı tirkelip, 100 myń turǵynǵa shaqqanda 625 adamnan keldi. 1 qańtardan 10 qyrkúıekke deıin oblys aýmaǵynda jalpy indetpen 13 829 jaǵdaı tirkeldi. Onyń ishinde 1 005 júkti áıel, 3 601 bala statsıonarlyq em aldy. 100 myń turǵynǵa shaqqanda aýrýshańdyq kórsetkishi 12 014 boldy», - dedi oblys ákiminiń orynbasary.

Onyń aıtýynsha, óńirdegi aýrýshańdyq deńgeıi sońǵy eki aptada 87 jaǵdaıǵa azaıǵan.

«Búginde statsıonarda em alyp jatqan júkti áıelderdiń sany – 36. Sonyń ishinde jeteýi reanımatsııada jatyr. Bosanǵannan keıin em alyp jatqan 10 áıel bar», - dedi Almas Mádıev.


Joǵary qaraı