Aýa raıy
Astana 3 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda ákimder tikeleı efırde turǵyndardyń suraqtaryna jaýap berýde

2020 jyldyń 10 tamyz 2020 06:00

TARAZ. QazAqparat – Memleket basshysynyń halyqpen tıimdi keri baılanys ornatý týraly tapsyrmasyna sáıkes, Jambyl oblysy ákiminiń orynbasarlary, Taraz qalasy men aýdandardyń ákimderi «Facebook» jáne «Instagram» áleýmettik jelilerinde tikeleı efırlerge shyǵýda, - dep habarlaıdy QazAqparat tilshisi.

Jambylda oblys ákiminiń orynbasarlary men Taraz qalasy jáne aýdan ákimderi áleýmettik jeliler arqyly tikeleı efırlerge shyǵyp, turǵyndardyń máseleleri men ótinishteri boıynsha saýaldaryna jaýap beredi.

Turǵyndardy kóptep tartý maqsatynda áleýmettik jelilerde tikeleı efır ótetin kúndi, ýaqytty jáne akkaýnttardy kórsete otyryp, habarlandyrý-anonstar aldyn-ala ornalastyrylady. Sondaı-aq, anonstarda turǵyndardyń suraqtary men usynystaryn jınaýǵa arnalǵan elektrondyq mekenjaılary kórsetilgen. Bylaı aıtqanda, endi qabyldaýǵa jazylyp, kezek kútýdiń nemese ártúrli oryndarǵa shaǵym joldaýdyń qajeti joq. Tikeleı efır barysynda turǵyndar kókeıdegi saýaldaryn joldap, birinshi basshysynyń ózinen jaýap ala alady. Ákimderdiń tikeleı efırleri apta saıyn ótedi.

Oblys ákimi Berdibek Saparbaev atap ótkendeı, indettiń taraýyna baılanysty halyqtyń qatysýymen jıyndar men kezdesýler uıymdastyrýǵa tyıym salynǵan búgingideı jaǵdaıda mundaı onlaın-qabyldaýlar men tikeleı efırdiń mańyzdylyǵy aıtpasaq ta túsinikti.

«Barlyq deńgeıdegi ákimderdiń oblys turǵyndarymen ózara baılanysynyń qarapaıym jáne tıimdi tetigi bolýy kerek. «Ákim saǵaty» - bul aqparattyń qoljetimdiligi men qalalar men aýyl turǵyndarynyń máselelerin naqty sheshýdiń utymdy ádisi», - dedi aımaq basshysy.

Aıtalyq, birer kún buryn oblys ákiminiń aýyl sharýashylyǵy salasyna jetekshilik etetin orynbasary Berik Nyǵmashevtyń tikeleı efıri ótti. Agroónerkásiptik keshenniń jaı-kúıi men ony damytýdyń aldaǵy josparlary týraly qysqasha baıandaǵan sheneýnik kóptegen suraqtarǵa jaýap berdi. Onda turǵyndar jeke turǵyn úı salý úshin jer bólý, sýarmaly sýdyń jaǵdaıy, aýyl turǵyndarynyń tabysyn jaqsartý boıynsha pılottyq jobanyń júzege asyrylýy, sharýa qojalyqtardy irilendirý jáne basqa da aspektilerge alańdaýshylyq bildirdi.

Mundaı kezdesýler azamattardyń problemalarynan habardar bolyp qana qoımaı, olardy sheshýdiń tıimdi tetikterin qarastyrý, soǵan sáıkes, memlekettik organdardyń tıisti josparlaryna jedel túzetýler engizýge múmkindik beredi.

Avtor Qajy Murat
Basty sózder: Qoǵam, Ákimdik, Ákim, Jambyl oblysy,
Joǵary qaraı