Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda ákimdik qyzmetkeriniń denesi kósheden tabyldy

2021 jyldyń 8 qyrkúıek 2021 17:45

QARATAÝ. QazAqparat – Jambyl oblysy Talas aýdany ákimdigine qarasty bólimniń sektor meńgerýshisiniń denesi kósheden tabyldy, dep habarlaıdy QazAqparat tilshisi.

Talas aýdany polıtsııasynyń kezekshi bólimine Qarataý qalasy kóshesinen oq jaraqaty bar belgisiz er adamnyń máıiti tabylǵany týraly habarlama túsken.

Jedel-tergeý toby oqıǵa ornyna kelgennen keıin qaza tapqan adamnyń óz atyna tirkelgen ańshy myltyǵynan ózine oq atqany anyqtalǵan. Bul týraly oblystyq polıtsııa departamenti habarlady.

«Qabyldanǵan sharalar barysynda qaıtys bolǵan adamnyń kim ekeni anyqtaldy, ony týystary tanydy. Ol atalǵan eldi mekenniń turǵyny bolyp shyqty. Ózine qol jumsaý sebebin jáne istiń barlyq mán-jaıyn anyqtaý úshin tergeý organdary Qylmystyq kodekstiń 105-baby 1-bóligi boıynsha sotqa deıingi tergeý amaldaryn bastady» delingen vedomstvo habarlamasynda.

Talas aýdany ákiminiń baspasóz qyzmeti marqumnyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń sektor meńgerýshisi bolyp jumys istegenin rastaǵan.

Qazirgi ýaqytta polıtsııa departamenti barlyq qajetti sot saraptamasyn taǵaıyndady.

«QR QІJK 201-babyna sáıkes tergeý múddesine baılanysty istiń basqa da egjeı-tegjeıi jarııa etilmeıdi»,-deıdi polıtsııa.


Avtor Saıa Sembaı
Basty sózder: Zań, Jambyl oblysy, Oqıǵa,
Joǵary qaraı