Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda karantınge qaramastan toı-tomalaq tyıylmaı otyr

2020 jyldyń 28 qazan 2020 21:18

TARAZ. QazAqparat – Jambyl oblysynda karantın shekteýlerin saqtaý boıynsha reıd júrgizilip jatyr, dep habarlaıdy QazAqparat tilshisi.

Jambyl oblysynyń polıtsııa qyzmetkerleri bir táýlik ishinde Taraz qalasyndaǵy 40 adamǵa arnalǵan jylyn berý, Jýaly aýdanyndaǵy 50 adamǵa arnalǵan úılený toıyn, Qordaı aýdanyndaǵy 35 adamǵa arnalǵan týǵan kúndi, Shý qalasynda otbasylyq mereke jáne 65 adamǵa arnalǵan mereıtoıdy anyqtap, toqtatty.

Oblystyq polıtsııa departamentiniń baspasóz qyzmetiniń habarlaýynsha karantın rejımi kezinde jappaı otbasylyq is-sharalarǵa tyıym salynǵanymen, karantın shekteýin elegisi kelmeıtinder qatary azaıar emes.

«Keshe oblystyq polıtsııa qyzmetkerleri kóptegen azamat bas qosqan alty merekelik jáne eske alý sharasyn anyqtap, maska rejımin buzýǵa qatysty 17 fakti tirkedi. Sonymen qatar dúken, dárihana, ashana, mal bazarlary men kafe-bar ıeleriniń arnaıy talaptardyń buzylýyna jol bergendigi belgili boldy. Alty oıyn-saýyq mekemesiniń ıesine jáne 17 jeke kásipkerge, sondaı – aq ózge de jeke tulǵalarǵa qatysty QR ÁQBtK 425-baby boıynsha ákimshilik jaýapkershilikke tartý boıynsha taýarlar men kórsetiletin qyzmetterdiń sapasy men qaýipsizdigin baqylaý departamentine joldaý úshin materıaldar jınaldy», - dedi Jergilikti polıtsııa basqarmasynyń bastyǵy Rahymberdi Áshkeev.
Aıta ketý kerek, bir táýlik ishinde mobıldi top 177 kásipkerlik nysandy tekserip, karantın rejımin buzýǵa qatysty 23 fakti anyqtaǵan.


Avtor Saıa Sembaı
Basty sózder: QR ІІM, Karantın, Jambyl oblysy,
Joǵary qaraı