Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda aýyldyq okrýg ákimderiniń saılaýyna 194 baıqaýshy qatysady

2021 jyldyń 20 shilde 2021 11:51

TARAZ. QazAqparat – Jambyl oblysynda aýyldyq okrýg ákimderiniń saılaýyna «Partııalyq emes baqylaý ortalyǵynan» 194 baıqaýshy qatysady, dep habarlaıdy QazAqparat tilshisi.

Aǵymdaǵy jyldyń shilde aıynda oblystyń 89 saılaý ýchaskesinde, al keıingi aılarda 9 ýchaskide aýyldyq okrýg ákimderiniń saılaýy ótkiziledi. Buǵan «Partııalyq emes baqylaý ortalyǵynan» 194 baıqaýshy qatysady.

«Partııalyq emes baqylaý ortalyǵy» Respýblıkalyq qoǵamdyq birlestiginiń Jambyl oblysy fılıalynyń jetekshisi Asqar Qadyrqulov habarlaǵandaı, uıym aldaǵy aýdandyq mańyzy bar qalalardyń, aýyldardyń, kentterdiń, aýyldyq okrýgterdiń ákimderiniń saılaýyna baıqaý men monıtorıng júrgizý arqyly saılaý protsesine belsendi túrde atsalyspaq.

Qazirgi ýaqytta Ortalyq óziniń baıqaýshylary úshin birqatar oqytý semınarlar men trenıngter ótkizýde.

«Aýdandyq mańyzy bar qalalardyń, aýyldardyń, kentterdiń, aýyldyq okrýg ákimderiniń tóte saılaýy – bul Qazaqstan Respýblıkasynyń demokratızatsııalaý protsesindegi jańa qadam. Qazaqstannyń Konstıtýtsııasynda belgilengen demokratııalyq qaǵıdalar bizdiń elde ary qaraıda júzege asyryla beredi. Bolashaqta aýdan jáne oblys ákimderin saılaýyn uıymdastyrý josparlanýda. Saılaý kezinde eń bastysy – ony ótkizý barysynda saılaý protsesiniń zańdylyǵy men ashyqtyǵyn saqtaý, ol úshin bizde saılaýdy baqylaý salasynda úlken tájirıbesi bar top quryldy. Bizdiń qoǵamdyq birlesitiktiń atynan qatysatyn táýelsiz baıqaýshylar saılaýdyń adal jáne ádil ótýine óz úlesin qosady dep senemin», - dedi Asqar Qadyrqulov.

Esterińizge sala keteıik, 25 shildede Qazaqstan boıynsha bir mezgilde 700-den astam aýyl ákimderin saılaýy ótedi. Aýdandyq mańyzy bar qalalardyń, aýyldardyń, kentterdiń, aýyldyq okrýgterdiń qalǵan ákimderin saılaý olardyń ókilettik merzimi aıaqtalǵannan keıin ótkiziledi.


Avtor Saıa Sembaı
Basty sózder: Saılaý, Jambyl oblysy, Ákimdik,
Joǵary qaraı