Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda boranda 800 qoıymen birge adasyp ketken shopan qutqaryldy

2021 jyldyń 20 qańtar 2021 12:55

TARAZ. QazAqparat – Jambyl polıtseıleri joǵalǵan shopandy qutqardy, - dep habarlaıdy QazAqparat tilshisi.

Sarysý aýdandyq polıtsııa bóliminiń kezekshi bólimine keshe keshki saǵat 19:00-de jaıylymǵa 800 qoıyn aıdap ketken shopannyń joǵalǵany týraly habar kelip túsken. Ol ádettegideı tańerteń jaıylymǵa ketkenimen, al keshke belgilengen ýaqytta qaıtyp kelmegen. Polıtsııa joǵalǵan adamdy izdeý boıynsha aýqymdy qutqarý operatsııasyn ótkizdi.

Úsh saǵattan keıin shopan úıden birneshe ondaǵan shaqyrym jerden tabylǵan. Qutqarylǵan er adam boranda adasyp ketkenin aıtty. Ol aryqqa qulap, sol jerden shyǵa almaı qalǵan. Jaraqattanǵan, ári ábden álsiregen onyń jaǵdaıy qıyndaı túsken. Oǵan birden medıtsınalyq kómek kórsetildi. Qazir er adam aýrýhanada em alyp jatyr.

Qoılar túgel, qazir qaýipsiz jerge jetkizildi.

«M aldy qysqy ýaqytta alysqa jaımaýdy suraımyz, sebebi ol oqys oqıǵalarǵa ákelýi múmkin « , - dedi Sarysý aýdandyq polıtsııa bóliminiń bastyǵy Ashat Almetov.


Avtor Saıa Sembaı
Basty sózder: Jambyl oblysy, Oqıǵa, Aýa raıy,
Joǵary qaraı