Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda eki aýylǵa taza aýyzcý kirdi

2021 jyldyń 17 qańtar 2021 07:33

TARAZ. QazAqparat – Jambyl oblysynda eki aýylǵa taza aýyzsý qubyry tartyldy, dep habarlaıdy QazAqparat tilshisi.

«Jumyspen qamtýdyń jol kartasy» baǵdarlamasy aıasynda Jambyl aýdany Qarataý aýylynyń 110 úıdiń turǵyndary taza aýyz sýǵa qol jetkizdi.

Jambyl aýdanynyń ákimi Sáken Arýbaevtyń aıtýynsha, memlekettik baǵdarlamalar aýyldardy damytýda jáne adamdardyń ómir súrý sapasyn jaqsartýda mańyzdy ról atqarady.

«Qarataý aýylyna aýyz sý, kógildir otyn berilgen soń, kóshe jaryqtandyrý, jol jabyndysyn tóseý jumystary júrgiziledi»,- dedi ol.

Jýaly aýdany Jurymbaı aýylynyń turǵyndary da taza aýyz sýdyń paıdasyn sezinýde. «Baısyn-A» JShS ókilderiniń aıtýynsha, sý 126 metr tereńdikten tartylýda, 16 shaqyrym sý qubyry júrgizilgen.

Aýdan ákimi Narbaı Ergebekov bıyl taǵy birneshe aýyl aýyz sýǵa qosylatyndyǵyn aıryqsha atap ótti.

«Jyl saıyn aýdannyń eldi mekenderin aýyz sýmen qamtamasyz etý deńgeıi artýda. Bıyl taǵy bes aýyl ortalyqtandyrylǵan sýmen qamtamasyz etiledi», - dedi aýdan ákimi.


Joǵary qaraı