Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda karantın talaptaryn buzǵandarǵa 56,4 mln teńge aıyppul salynǵan

2021 jyldyń 8 maýsym 2021 06:21

TARAZ. QazAqparat – Jambyl oblysynda jyl basynan beri karantın shekteýin saqtamaǵan 503 adamǵa 56,4 mln teńge aıyppul salyndy, dep habarlaıdy QazAqparat tilshisi.

Jambyl oblysynyń polıtsııa qyzmetkerleri Qazaqstan Respýblıkasy men Jambyl oblysynyń Bas memlekettik sanıtarlyq dárigeriniń qoldanystaǵy qaýlysynyń talaptaryn oryndaýǵa baǵyttalǵan mobıldi toptardyń jumysyn jalǵastyrýda. Máselen, bir apta ishinde karantın shekteýin saqtamaýǵa qatysty 15 fakti anyqtaldy.

Polıtsııa qyzmetkerleri mobıldi toppen birlesip júrgizilgen reıd barysynda Tarazda jumys istegen kompıýter klýbyn anyqtady. Klýby karantın kezinde kompıýter klýbtardyń qyzmetine tyıym salynǵanyna qaramastan kelýshilerdi qabyldaǵan.

Atalǵan nysannyń basshylyǵyna qatysty materıaldar jınalyp, Ákimshilik quqyq buzýshylyq týraly kodekstiń 425-baby boıynsha ákimshilik shara qabyldaý úshin Taýarlar men qyzmetterdiń sapasy men qaýipsizdigin baqylaý basqarmasyna joldandy.

«Óńirde karantın shekteýi jalǵasýda. Jyl basynan beri reıd kezinde ártúrli menshik nysanyndaǵy 7 374 nysan tekserildi. Monıtorıng toptary karantın rejımin saqtalmaýy boıynsha 544 faktini anyqtady. Taýarlar men qyzmetterdiń sapasy men qaýipsizdigin baqylaý basqarmasy Ákimshilik quqyq buzýshylyq týraly kodekstiń 425-baby boıynsha jalpy somasy 56 413 805 teńge kóleminde aıyppul salyp, oıyn-saýyq mekemeleri jáne ózge de menshik nysandarynyń 503 ıesin jaýapkershilikke tartty», - dep habarlady Polıtsııa departamenti Jergilikti polıtsııa qyzmeti basqarmasynyń bastyǵy Rahymberdi Áshkeev.


Avtor Saıa Sembaı
Basty sózder: Jambyl oblysy, Karantın, QR ІІM,
Joǵary qaraı