Aýa raıy
Astana -23 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda karantındi buzǵandarǵa 30 mln teńgeden astam aıyppul salyndy

2020 jyldyń 27 qazan 2020 07:23

TARAZ. QazAqparat – Jambyl oblysynda karantın talaptaryn buzǵany úshin 239 azamatqa 30 mıllıon teńgeden astam aıyppul salyndy, dep habarlaıdy QazAqparat tilshisi.

Jambyl oblysynda Qazaqstan Respýblıkasy men Jambyl oblysynyń bas memlekettik sanıtarlyq dárigeriniń qoldanystaǵy qaýlysynyń talaptaryn oryndaý boıynsha jumystardy jalǵastyrýda.

Máselen, bir kúnniń ishinde polıtsııa qyzmetkerleri kóptegen halyq toby jınalǵan merekelik jáne eske alý sharalaryn ótkizý

boıynsha karantındik rejımdi buzýdyń jeti deregin anyqtady.

«Oblysta karantındik shekteý sharalary áli de saqtalýda. Alaıda, bul shekteý sharalaryna nemquraıly qaraǵan 470 azamat Taraz qalasyndaǵy oıyn-saýyq oryndarynda jeti is-shara ótkizgen.

Turǵyndar maskalyq rejımdi jáne áleýmettik ara qashyqtyqty buza otyryp, toıhanalarda adamdardy kóptep jınap, merekelik sharalar,

úılený toılary, mereıtoılar, banketter uıymdastyrýdy jalǵastyrýda. Jalpy, 23 shilde men 22 qazan aralyǵynda reıdtik tekserýlermen 3375 nysan qamtyldy. Karantın talaptarynyń saqtalýyna tekseris júrgizgen monıtorıngtik toptar nysandardaǵy 286

zań buzýshylyqty anyqtady. Anyqtalǵan buzýshylyqtar úshin jalpy somasy 30 255 198 teńgeni quraıtyn 239 aıyppul salyndy, - deıdi PD JPQB bastyǵy Rahymberdi Áshkeev.


Avtor Saıa Sembaı
Basty sózder: Jambyl oblysy, Karantın, Qoǵam,
Joǵary qaraı