Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda qarly boran: shuǵyl shtab quryldy

2021 jyldyń 22 qańtar 2021 18:16

TARAZ. QazAqparat – Jambyl oblysynda qarly boranǵa baılanysty avarııalyq- qutqarý jumystary júrgizilýde, dep habarlaıdy QazAqparat tilshisi.

Óńirde aýa raıynyń nasharlaýy týraly aqparat alǵan sátten Jambyl oblysy TJ departamenti bastyǵynyń orynbasary polkovnık Maqsat Qosybaev ártúrli sıpattaǵy TJ jaǵdaılarda Jýaly, Talas jáne basqa aýdandarǵa jedel shyǵý úshin Taraz qalasynyń baǵynysty bólimsheleriniń kúshteri men quraldarynyń daıyndyǵyn taǵy bir pysyqtady.

Jýaly, Jambyl, Talas, Sarysý aýdandyq TJB jáne TJD jolda qalǵan júrgizýshiler men jolaýshylardy qutqarý jumystaryn uıymdastyrýda.

Osy maqsatta búgin 9 saǵ 30 mın TJD-de shuǵyl shtab qurylyp, onyń quramyna Qazavtojol, Qazaqstan temir joly, Jolaýshylar kóligi basqarmasy, PD ókilderi endi.

Avtojoldardy tazalaý úshin «Qazavtojol» JShS -nen 9 tehnıka jáne12 adam, «Qarataý joldary» JShS-nen 2 tehnıka, 2 adam, «Sarysý j oldary» JShS-nen 2 tehnıka, 2 adam tartyldy.

Saǵat 14-30-daǵy jaǵdaı boıynsha Aısha-bıbi aýylynda 60 júk jáne 45 jeńil avtokólik, «Almaty-Termez-Tashkent» avtojolynda jabyq ýchaske ishinde 38 júk avtomashınasy, 15 jeńil avtomashınasy, 2 shaǵyn avtobýs qalyp otyr.

Avarııalyq-qutqarý jumystaryn júrgizý úshin TJD-dan 8 tehnıkalyq jáne 21 adam jumyldyryldy. TJD kúshimen «Qarataý – Taraz» avtojolynda qar

qursaýynda qalǵan avtokólikterden 23 adam qutqaryldy, 6 jeńil avtokólik súırep shyǵaryldy. Jýaly aýdanyndaǵy «Almaty-Termez-Tashkent» kúre jolynda turyp qalǵan avtokólikterden 59 adam evakýatsııalandy.

Jýaly, Jambyl aýdandaryn jylytý pýnkteri ashyldy. Olarda ystyq tamaq uıymdastyryldy, medıtsına qyzmetkerleriniń kezekshiligi qamtamasyz etildi. Aısha bıbi blok beketin kúsheıtý úshin qosymsha kúsh jiberildi.

Júrgizýshiler men jolaýshylar úshin jaǵdaıdy habarlaý maqsatynda dybystyq sóıleý qondyrǵylary bar 2 birlik jedel tehnıkasy, jolaýshylardy temirjol vokzalyna jetkizý úshin 1 avtobýs jáne 1adamdardy tasymaldaýǵa arnalǵan kólik, alǵashqy medıtsınalyq kómek kórsetý úshin «AMO» 1 reomobıli tartyldy.


Joǵary qaraı