Aýa raıy
Astana 11 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda QMDB-nyń 30 jyldyǵyna 3651 túp aǵash otyrǵyzyldy

2020 jyldyń 25 qyrkúıek 2020 05:00

TARAZ. QazAqparat – Jambyl oblysynda Qazaqstan musylmandary dinı basqarmasynyń (QMDB) 30 jyldyǵyna 3651 túp kóshet otyrǵyzyldy,- dep habarlaıdy QazAqparat tilshisi.

Qazaqstan musylmandary dinı basqarmasynyń 30 jyldyq mereıtoıyna oraı QMDB Tóraǵasy, Bas múftı Naýryzbaı qajy Taǵanulynyń bastamasymen elimizde «Jasyl Qazaqstan» eko-sharasy qolǵa alynǵan bolatyn. Atalǵan shara aıasynda elimizdiń barlyq óńirlerinde tal otyrǵyzylyp, dalamyzdyń kórkeıýine úles qosý basty maqsat boldy.

«Naýqan aıasynda Jambyl oblysy boıynsha 3651 túp aǵash egildi, sonyń ishinde 1070 túbi jemis taly, týıa, qara aǵash, terek, taǵy basqalar bar. Igi shara alǵashqy bolyp Taraz shaharynan bastaý alyp, oblystyń rýhanı júregi bolǵan Alla úıiniń aýlasyna, qala meshitterinde aǵashtar egildi. Atalmysh shara búgin Merki jáne Jambyl aýdandarynda jalǵasty. Jambyl aýdany boıynsha Bektóbe, Aısha bıbi, Báıdibek meshiterinde jalpy 60 túp egilse, Merki aýdany boıynsha 30 daraq boıyn tiktedi»,-deıdi Hıbatýlla Tarazı meshitiniń baspasóz qyzmetiniń jetekshisi Aqerke Bekqulova.

QMDB-nyń Jambyl oblysy boıynsha ókili, bas ımam Beıbit qajy Myrzageldıev Merki aýdanynda ótken ıgi sharaǵa qatysyp, ózi bastap aǵash ekti. Sonymen qatar, «30 jyldyqqa 30 myń tal otyrǵyzý» naýqanynyń mańyzyna toqtalyp, el amandyǵy úshin duǵa jasap, bata berdi.

Aıta keteıik, bul mańyzdy sharany meshit qyzmetkerleri, ımamdar, meshit jamaǵaty birlese atqardy.


Avtor Saıa Sembaı
Basty sózder: Jambyl oblysy, Din, Ekologııa,
Joǵary qaraı