Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda KVI juqtyrǵandardyń 98 paıyzy aýrýdan aıyqqan

2020 jyldyń 24 qyrkúıek 2020 02:41

TARAZ. QazAqparat – Jambyl oblysynda koronavırýs ınfektsııasyn juqtyrǵandardyń jalpy sanynyń 98 paıyzy vırýstan aıyǵyp ketti. Bul týraly oblystyq jedel shtabtyń kezekti otyrysynda aıtyldy,- dep habarlaıdy QazAqparat tilshisi.

Jaǵdaı birtindep jaqsaryp keledi. Degenmen, COVID-19 aýrýynyń taralý qaýpi áli de saqtalyp otyr.Óńirlik jedel shtabtyń kezekti otyrysynda densaýlyq saqtaý basqarmasynyń bastyǵy Áset Qalıev medıtsına mekemeleriniń koronavırýstyń yqtımal ekinshi tolqynyna daıyndyǵy týraly baıandady.

Qazir dárigerler oqıǵanyń órbýiniń birden birneshe nusqasyn qarastyryp, koronavırýstyń jaǵdaıyna baılanysty «qyzyl», «sary» jáne «jasyl» sekildi úsh deńgeıdi negizge alyp otyr. Kelesi deńgeıge ótkennen keıin qosymsha tósek-oryndar ashylyp, koronavırýspen kúreske tartylǵan medıtsına qyzmetkerleriniń sany arta túsedi.

Búginde barlyǵy 2530 tósek-oryn daıyndaldy desek, onyń 253-i jansaqtaý bólimine tıesili. Medıtsına mekemeleri 183 ÓJJjasandy tynys alý apparaty, 706 ottegi ballony, 542 ottegi kontsentratory, 1009 ımpýlstik oksımetr, 19 sandyq rentgen apparaty, 10 kompıýterlik tomografııa jáne 7 magnıttik-rezonanstyq tomografııamen jabdyqtalǵan. Sondaı-aq, kelesi aıda 74 jasandy tynys alý apparaty, jeti KT, tórt sandyq rentgen apparaty, tórt ottegi stantsııasy, sondaı-aq 61 jedel járdem kóligi, segiz jyljymaly medıtsınalyq keshen jáne 100 kópfýnktsıonaldy tósek jetkiziledi dep otyr. Jeke qorǵanys quraldarynyń eki aılyq qory qalyptasqan.

16 qyrkúıektegi jaǵdaı boıynsha, óńirdiń medıtsınalyq uıymdarynda dári-dármektiń statsıonarlyq deńgeıde bir aılyq, al ambýlatorııalyq deńgeıde eki aılyq qory qalyptasqan. «SK-Farmatsııa» JShS ótinishterge sáıkes antıkoagýlıanttar, antıbıotıkter, vırýsqa qarsy, ystyqty túsiretin preparattar men dárýmenderdi odan ári jetkizýdi jalǵastyrýda.


Joǵary qaraı