Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda qyzmettik ıt 38 jastaǵy áıeldiń saraıynan esirtki tapty

2021 jyldyń 27 aqpan 2021 10:40

TARAZ. QazAqparat – Jambyldyq polıtseıler esirtki zattarynyń taralýyna tosqaýyl qoıdy, dep habarlaıdy QazAqparat tilshisi.

«Dopıng» respýblıkalyq jedel-izdestirý sharalary aıasynda Jambyl oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Shý aýdanynyń turǵyny - 38 jastaǵy áıeldi ustady.

Tekserý barysynda «Bonı» atty qyzmettik ıt onyń turǵyn úıiniń aýmaǵynda ornalasqan saraıdan jalpy salmaǵy 2 keliden asatyn ósimdik tektes zatty tapty. Tárkilengen zattyń esirtki ekeni anyqtalyp, saraptamaǵa jiberildi.

«Ustalǵan azamatsha kinásin moıyndady. Atalǵan derekke qatysty Qazaqstan Respýblıkasy Qylmystyq kodeksiniń 296-baby 4-bóligi (asa iri mólsherde esirtki zattaryn zańsyz saqtaý) boıynsha sotqa deıingi tergeý amaldary bastaldy. Mundaı qylmys jasaǵany úshin 3 jyldan 7 jylǵa deıingi merzimge bas bostandyǵynan aıyrý jazasy qarastyrylady», - delingen oblystyq Polıtsııa departamenti baspasóz qyzetiniń habarlamasynda.


Joǵary qaraı