Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda muqtaj jandarǵa 110-nan astam úı asarlatyp salynýda

2020 jyldyń 5 tamyz 2020 15:47

TARAZ. QazAqparat – Jambyl oblysynyń aýyldarynda bıyl muqtaj jandar úshin 114 úı asarlatyp salynýda, dep habarlaıdy QazAqparat tilshisi -43r basshysynyń baspasóz qyzmetine silteme jasap.

Bul dástúr oblys ákimi Berdibek Saparbaevtyń qoldaýymen Jambyl oblysynda da óz jalǵasyn tapty. Bastamany kótergen jergilikti «Rýhanı jańǵyrý» jobalyq ofısi arnaıy «Asarlatyp úı salý» jobasyn ázirlep, iske qosty. Baıandy bastamanyń maqsaty – aýyldastarynyń birlesken kúsh-jigerimen kórshilerine, múgedekterge, az qamtylǵan otbasylarǵa jáne kópbalaly otbasylarǵa asarlatyp turǵyn úı salý. Bul rette birinshi kezekte kimderge kómek kórsetiletinin jergilikti aqsaqaldar keńesimen kelise otyryp, jergilikti turǵyndardyń ózderi sheshedi.





Atalǵan iske Baızaq aýdanynyń Mádimar aýylynyń turǵyndary alǵashqylardyń biri bolyp kirisip ketken. Olar jalǵyz ózi tórt balany tárbıelep otyrǵan Ǵalııa Qurmanovaǵa tórt bólmeli úı salyp berýdi qolǵa aldy. Aýyldyq okrýg ákiminiń sheshimimen jergilikti mektepke kúrdeli jóndeý júrgizý kezinde bosaǵan jer ýchaskesi men qurylysqa jaramdy materıaldar bólindi. Aýyl turǵyny J.Dáýletov te qurylys materıaldarymen kómektesse, qalǵan kórshiler, ásirese jastar úı qurylysyna belsene atsalysýda. Búginde qabyrǵalary kóterilip, shatyry jabylyp, árleý jumystary júrgizilýde. Qyrkúıek aıynyń basynda tek Ǵalııa Qurmanova ǵana emes, sonymen qatar Úlgili jáne Báıterek aýyldaryndaǵy taǵy eki otbasy jańa úıge qonystanbaq.





Jalpy, Baızaq aýdanynyń 18 aýyldyq okrýgteriniń árqaısysynda asar ádisimen muqtaj otbasylarǵa arnalǵan bir-bir úıden salynady. Aımaq basshysy Berdibek Saparbaev atap ótkendeı, ata-babalarymyzdyń ıgi salt-dástúrleri búginde óziniń ózektiligin joǵaltqan joq. Ol óskeleń urpaqty meıirimdilik pen ózara kómekke, jergilikti halyqtyń qoldaýyn baǵalaı bilýge ​​úndeıdi.

Al, Merki aýdanynda osy jyldyń sońyna deıin toǵyz úı salynbaq. Máselen, Sarymoldaev aýyldyq okrýginiń turǵyndary kóp balaly anaǵa arnap turǵyn úı salýdy bastady desek, búginde qajetti kommýnıkatsııalar júrgizilgen. Oıtal aýyldyq okrýginde qamqor jandar ekinshi toptaǵy múgedektiń otbasyna úı salyp berý úshin aqsha jınasa, T.Rysqulov aýylynda erte jastan ata-anasyz qalǵan jetim bala úshin bolashaq úıdiń irgetasy qalanyp úlgergen.

Qazir asar ádisi oblystyń barlyq aýdandaryn qamtýda. Aıtalyq, Shý aýdanyndaǵy az qamtamasyz etilgen 17 otbasy jańa úıge kóshedi desek, al Jambyl aýdanynda taǵy 10 otbasy qonys toıyn toılaıdy dep kútilýde.





Jalpy, aǵymdaǵy jyldyń sońyna deıin oblysta halyqtyq qurylys ádisin qoldana otyryp barlyǵy 114 úı salynady. ıAǵnı, bul aýyldastary men jergilikti bıliktiń kómegimen kóptegen otbasylar turǵyn úı jaǵdaıyn jaqsartyp, jańa baspanaly bolady degen sóz.





Avtor Qajy Murat
Basty sózder: Jambyl oblysy, Turǵyn úı, Qoǵam,
Joǵary qaraı