Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda órt sóndirýshi beıtanys áıeldi ajaldan aman alyp qaldy

2021 jyldyń 19 qańtar 2021 07:20

TARAZ. QazAqparat – Jambyl oblysynda órt sóndirýshi jigit beıtanys áıeldi ajaldan alyp qaldy,- dep habarlaıdy QazAqparat tilshisi.

T.Rysqulov aýdany Lýgovoe kenti mańyndaǵy tasjolda Merki aýdany №9 órt sóndirý bólimi bastyǵynyń orynbasary, azamattyq qorǵaý kapıtany Baýyrbek Myrzahan men onyń dosy Jandos Ýtbekbaev es-tússiz jatqan azamatshany ajaldan aman alyp qaldy

Naqtyraq aıtsaq, oqıǵa bylaı órbigen. Óz sharýalarymen ketip bara jatqan eki jigitti tasjolda beıtanys kisiler kómek surap, toqtatady. Kólikten túsken Baýyrbek pen Jandos joldyń shetinde jeńil avtokóliktiń janynda esinen tanyp jatqan jasy elýler shamasyndaǵy áıel adamdy kóredi. Onyń janyndaǵy kisiler sharasyzdyqtan abdyrap júrgenin baıqaıdy. Osy kezde Baýyrbek áıeldiń qarysyp qalǵan jaǵyn syr boıaıtyn taıaqshamen kúshtep ashyp, tilin ishke jutyp qoımaýy úshin tıisti shara qoldanady. Munan ári áıeldi bir qyrynan jatqyzyp, jedel járdem qyzmeti kelgenge deıin qadaǵalap, medıtsına qyzmetkerlerine tapsyrady.

Keıinnen álgi áıel otbasymen birge kórshi aýylǵa jumyspen ketip bara jatqandyǵy anyqtalǵan. Azamatshanyń talma aýrýy dıagnozy bar bolyp shyqqan. Eger der kezinde jedel kómek kórsetilmese, onyń qandaı kúıde bolatynyn elestetýdiń ózi qıyn edi.

Anasyn ajaldan alyp qalǵan jigitterdiń jedel áreketine rıza bolǵan qyzy Jambyl oblysy TJ departamenti bastyǵynyń atyna alǵys hat joldaǵan. Alǵys hatta tótenshe jaǵdaılar salasynda osyndaı bilikti azamattardyń jumys atqaratyndyǵyna rızashylyǵyn bildiretindigin aıtqan.


Avtor Saıa Sembaı
Basty sózder: Oqıǵa, Jambyl oblysy,
Joǵary qaraı