Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda sel qaýpi bar muzdyq kólderdiń jaı-kúıi qandaı

2021 jyldyń 26 qyrkúıek 2021 07:29

TARAZ. QazAqparat – Jambyl oblysynyń morenalyq kólderine áýeden zertteý jumystary júrgizildi, dep habarlaıdy QazAqparat tilshisi.

QR Tótenshe jaǵdaılar mınıstrligi «Qazseldenqorǵaý» memlekettik mekemesi «Jambyl oblystyq paıdalaný basqarmasy» fılıalynyń mamandary Qyrǵyz jáne Talas jotalarynda teńiz deńgeıinen 3306 m - 3612 m bıiktikte ornalasqan Jambyl oblysynyń sel qaýpi bar muzdyq kólderin tekserdi. Bul jumysqa «Qazavıaqutqarý» AQ «MI-8» tikushaǵy jumyldyryldy.





Aldymen Merki aýdanynda ornalasqan muzdyq kólder zertteldi. Atap aıtsaq, Aspara ózeni shyńyndaǵy 10 kólge sholý jasaldy. Zertteý jumysy QR TJM «Kazavıaqutqarý» AQ Eurocopter ES-145 tikushaǵymen 2500-den 3500 metr absolıýttik bıiktikte júrgizildi.

Sondaı-aq, Merki, Astaýkól, Kókkól, Buzylǵan kól, Sarykól, Qaraqystaq, Kishi, Shalsý, Kóksaı, Aqsaı kólderi zerdelendi. Bulardyń basym bóligi teńiz deńgeıinen 3000 metrge jýyq, nemese odan asatyn bıiktikte ornalasqan. Keıbiri bastaý kózderin taý shyńdaryndaǵy muzdyqtardan alady, al keıbiriniń bastaý kózderi muzdyqtarǵa jaqyn mańda.





«Júrgizilgen aerosholý zertteý jumysy boıynsha Talas jotasyndaǵy sel qaýipti ózender alabtarynda muzdyqtardyń edáýir kemigeni, muzdyq kólderdiń tartylǵandyǵy baıqalady. Búgingi kúnge sel júrý qaýpin týdyrmaıdy, degenmen toqtaýsyz jaýǵan jaýyn-shashyn áserinen ózenderdiń deńgeılerinde ózgerister kútilýi múmkin», - deıdi Tótenshe jaǵdaılardyń aldyn alý basqarmasynyń ınjeneri, azamattyq qorǵaý aǵa leıtenanty Erjan Ábdiráımov.


Joǵary qaraı