Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda sportshylar otyrǵan kólik jol apatyna ushyrap, úsh adam qaıtys boldy

2020 jyldyń 4 tamyz 2020 18:24

TARAZ. QazAqparat – Jambyl oblysy aýmaǵynda jol apatynda úsh adam qaıtys boldy, ekeýi jansaqtaý bóliminde jatyr, dep habarlaıdy QazAqparat tilshisi.

Jol apaty 3 tamyzda saǵat 06:40 shamasynda «Batys Eýropa – Batys Qytaı» respýblıkalyq joldyń 193- shaqyrymynda bolǵan.

«MAZDA-323» markaly kólik Almaty qalasynan Taraz qalasyna bara jatqan. 21 jastaǵy júrgizýshisi tizginge ıe bola almaı kólik joldyń oń jaq jıegine shyǵyp, aýdarylyp ketken. Bul týraly oblystyq polıtsııa departamentiniń baspasóz qyzmeti habarlady.

«Jol-kólik oqıǵasy saldarynan eki jolaýshy oqıǵa ornynda kóz jumdy. Olardyń biri erkin kúresten sport sheberligine úmitker. Qordaı aýdanynyń ortalyq aýrýhanasyna túrli dene jaraqatymen úsh er adam jatqyzyldy, kelesi kúni aýrýhanada 24 jastaǵy erkin kúresten sport sheberi qaıtys boldy», - delingen vedomstvo habarlamasynda.

Atalǵan derekke qatysty QR QK 345-babynyń 4-bóligi boıynsha sotqa deıingi tergeý amaly bastaldy. Sondaı-aq, sot-medıtsınalyq jáne kólik quralynyń tehnıkalyq jaǵdaıyn zertteý saraptamasy taǵaıyndalǵan.

Avtor Qajy Murat
Basty sózder: Oqıǵa, Kólik, Jambyl oblysy,
Joǵary qaraı