Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda taýly aýmaqtaǵy 650 gektar jer órtendi

2021 jyldyń 21 qyrkúıek 2021 14:03

TARAZ. QazAqparat – Jambyl oblysynda taýly aýmaqtaǵy janý oqıǵasynyń saldaryn joıý jumystary jalǵasýda,- dep habarlaıdy QazAqparat tilshisi.

Jambyl oblysy Turar Rysqulov aýdanynyń taýly jerlerinde oryn alǵan órt aýyzdyqtaldy. Qazirgi ýaqytta zardap shekkender týraly aqparat túsken joq.

Aldyn ala boljam boıynsha, órt turǵyndardyń ot qoldanýdaǵy abaısyzdyǵy saldarynan oryn alǵan.

Tilsiz jaýdy aýyzdyqtaýǵa 277 adam men 42 tehnıka jumyldyryldy.

Sondaı-aq, «Qazavıaqutqarý» MI-8 tikushaǵy tartyldy. Bul týraly tótenshe jaǵdaılar departamentiniń baspasóz qyzmeti málim etti.




«Ushý nátıjeleri boıynsha aldyn ala esepteýlerge sáıkes órttiń aýmaǵy 650 gektardy quraıdy, «Qazavıaqutqarý» AQ MI-8 tikushaǵymen jeke quramdy bıik jerge jetkizý boıynsha ushýlar júrgizilýde. Qazirgi tańda joǵaryda atalǵan kúshter men quraldar taýly aýmaqtaǵy janý oqıǵasynyń saldaryn joıý jumystaryn jalǵastyrýda», -delingen vedomstvo habarlamasynda.


Joǵary qaraı