Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda jarylystar estilýde: Qorǵanys mınıstrligi túsinik berdi

2021 jyldyń 14 qazan 2021 13:18

NUR-SULTAN. QazAqparat – Jambyl oblysynda oq-dári qaldyqtaryn jarý jumystary bastaldy. Bul týraly QR Qorǵanys mınıstrliginen málim etti, dep habarlaıdy QazAqparat tilshisi.

«Buǵan deıin habarlanǵandaı, Jambyl oblysynyń Baızaq aýdanynda QR Qorǵanys mınıstrliginiń ınjenerlik-saperlik bólimsheleriniń kúshimen oq-dári qaldyqtaryn baqylaýmen jarý bastaldy. Jumys osy jyldyń 13 qarashasyna deıin, dúısenbiden jumaǵa deıin kúndelikti júrgiziledi. Bul úshin áskerı bólimnen jáne eldi mekenderden 12 shaqyrymnan astam qashyqtaǵy taýly jer tańdap alyndy», - dedi Qorǵanys mınıstrliginen.

Vedomstvo málimetinshe, mamandar toby jergilikti halyq pen ınjenerlik-saperlik bólimsheler jeke quramynyń qaýipsizdigin qamtamasyz etý úshin tańdalǵan jer ýchaskesin tolyǵymen zerdelegen. Jergilikti atqarýshy organdar men jergilikti halyqqa jarý jumystarynyń júrgizilýi týraly aldan ala habarlanǵan.

«Jambyl oblystyq ishki ister departamentiniń qyzmetkerlerin tarta otyryp, áskerı polıtsııa kúshimen jarý ornynyń aınalasyndaǵy aýmaq qorshaldy. Jarý kezinde dybystyq áser bolady. Júrgiziletin jumystyń jergilikti halyq úshin qaýpi joq», - delingen taratylǵan aqparatta.


Joǵary qaraı