Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda jedel-taktıkalyq oqý-jattyǵý ótti

2021 jyldyń 10 qazan 2021 16:52

TARAZ. QazAqparat – Oqý-jattyǵýda memorgandar men kúsh qurylymdarynyń TJ kezinde ózara áreketin jetildirý pysyqtaldy, dep habarlaıdy QazAqparat tilshisi.

Óńir basshysy baspasóz qyzmetiniń habaralıynsha, Taraz mańyndaǵy Halyq Qaharmany Ǵazız Baıtasov atyndaǵy oqý-jattyǵý polıgonynyń aýmaǵynda Jambyl oblysynyń ákimi Berdibek Saparbaevtyń qatysýymen óńirlik jedel shtab basshylyǵymen jedel-taktıkalyq oqý-jattyǵý ótti.

Polıtsııa, tótenshe jaǵdaılar, ulttyq qaýipsizdik departamentteriniń qyzmetkerleri, «Ońtústik» óńirlik qolbasshylyǵynyń, QR Ulttyq ulanynyń áskerı qyzmetshileri qatysqan oqý-jattyǵý barysynda tótenshe oqıǵalar týyndaǵan jaǵdaıda tıisti organdardyń is-qımyldarynyń ózara úılesimdi áreketteri pysyqtaldy.

Sharaǵa barlyǵy 2088 qyzmetker, 70 tehnıka jumyldyryldy.




«Oqý-jattyǵý memlekettik organdardyń ózara áreketin jetildirý, tótenshe jaǵdaılar kezindegi qaýip-qaterlerge jedel shtabtyń kúshi men daıyndyǵyn arttyrý, is-qımyl algorıtmin pysyqtaý, barlyq memlekettik organdardyń tótenshe jaǵdaılardyń aldyn alý boıynsha jospardy oryndaý maqsatyna negizdeldi», dep túsindirdi baspasóz qyzmetinde.

Barlyq organdardyń úılesimdi is-áreketteriniń nátıjesinde oqý-jattyǵýlarda kózdelgen mindetter tolyǵymen oryndaldy.

Óńir basshysy belsendi qatysqan barlyq qyzmetkerlerge alǵys aıtyp, oqý-jattyǵýdyń qorytyndysyn joǵary baǵalady.

- Kez kelgen eldiń bolashaǵy, damýy olardyń qaýipsizdigi, qorǵanysyna, beıbit tirshiligine baılanysty. Barlyq memlekettik organdardyń mindeti – turǵyndardyń tynyshtyqta ómir súrýin, olardyń balalarynyń balabaqsha men mektepke alańdamaı barýyn qamtamasyz etý. Búgingi jedel-taktıkalyq oqý-jattyǵýdy ótkizýdegi maqsatymyz da soǵan negizdeledi. Barlyq memlekettik jáne quzyrly organdardyń birlesken is-áreketin úılestirý kerekpiz. Kez kelgen jaǵdaıǵa, daǵdarystarǵa daıyn bolýymyz mańyzdy. Búgingi sharadan baıqaǵanymyzdaı, jalpy daıyndyǵymyz jaman emes. Biraq ony árdaıym jetildirip otyrýǵa tıispiz. Túrli taktıkalardy qoldana otyryp, osyndaı sharalardy jıi ótkizip otyrǵanymyz durys. Belgilengen jospar men algorıtmge sáıkes, tótenshe jaǵdaı týyndaı qalǵan jaǵdaıda, ózara birlesip, jedel ári sapaly jumys júrgizý qajet.




Jergilikti atqarýshy organdar tarapynan materıaldyq-tehnıkalyq bazany nyǵaıtýǵa tıisti jaǵdaılar jasalýda, bul baǵyttaǵy jumystar jalǵasatyn bolady. Oblys basshylyǵy, jedel shtabtyń atynan búgingi sharaǵa belsendi qatysqan barshańyzǵa alǵysymdy aıtamyn. Aýa-raıynyń qolaısyzdyǵyna qaramastan oqý-jattyǵýdyń maqsattary men mindetteri oryndaldy, -dedi oblys ákimi.














Joǵary qaraı