Aýa raıy
Astana 9 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda jyl basynan beri 10 adam sýǵa ketken

2020 jyldyń 4 tamyz 2020 21:08

TARAZ. QazAqparat – Jambyl oblysynda jyl basynan beri 10 adam sýǵa batyp ketti, dep habarlaıdy QazAqparat tilshisi.

Jambyl oblysy Tótenshe jaǵdaılar departamentiniń bas mamany Sáýle Muńataevanyń aıtýynsha, óńirde jyl basynan beri 10 adam sýǵa ketken. Onyń tórteýi bala.

Osyndaı qaıǵyly oqıǵanyń biri jýyrda ǵana Merki aýdanynda bolǵan. Aýdandaǵy Andas batyr aýylynda 29 shilde kúni ata-anasynyń qaraýynsyz qalǵan 5 jasar búldirshin sýǵa túsip, batyp ketken. Jergilikti turǵyndar balanyń denesin Aspara ózenindegi sý torabynyń qosymsha sý beretin traktinen shyǵaryp alǵan.

«Ókinishke oraı, adamdar ásirese balalar shomylý kezinde ǵana emes, qudyqtar, tipti úıdegi vannada jáne t.b.sý apatynan qaıtys bolyp jatady. Balalardy sýda qaraýsyz qaldyrýǵa bolmaıdy. Balalardy sýda úrlenetin tósenish, sheńber, oıynshyqtarmen qaldyrý qaýipti. Sebebi olardy jel nemese tolqyn jaǵadan alystatyp alyp ketýi múmkin. Eger siz sýǵa batyp bara jatqan adamǵa kómektese almasańyz, shuǵyl «112» nómirine qońyraý shalyńyz Qaýipsizdik sharalaryn saqtaý – sýdaǵy jazataıym oqıǵalardyń aldyn alady», - deıdi Sáýle Muńataeva.


Joǵary qaraı