Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda jyl basynan beri 6 dala órti tirkeldi

2021 jyldyń 6 maýsym 2021 22:02

TARAZ. QazAqparat – Jambyl oblysy ákimdiginde ótken keńeste orman qorynda jáne eldi mekender aınalasyna aǵash otyrǵyzý, sondaı-aq dala órtiniń aldyn alý boıynsha qaýipsizdik sharalardyń barysy qaraldy, dep habarlaıdy QazAqparat tilshisi.

Oblystaǵy memlekettik orman qorynyń jalpy kólemi 4,4 mıllıon gektar alqapty alyp otyrsa, onyń orman aǵashtary kómkergen jerleri 2,3 mıllıon gektar. Orman qory jerleri oblys jer aýmaǵynyń 30,8, al ormandy jerleri 15,47 paıyzyn alyp jatyr.

Kún tártibindegi másele boıynsha tabıǵı resýrstar jáne tabıǵat paıdalanýdy retteý basqarmasynyń basshysy Aslan Orazbekov baıandama jasady.

Onyń aıtýynsha, jyl saıyn memlekettik orman qory aýmaǵyndaǵy 5 300 gektarǵa orman aǵashtary kóshetten jáne tuqymynan egilýde.

«Bizdiń taraptan júrgizilgen tekserý barysynda aýdandarda eldi mekender mańaıyna otyrǵyzylǵan kóshetterdiń áli kúnge qorshalmaǵany, keıbiriniń sýarylmaıtyny belgili boldy»,- deıdi basqarma basshysy.

Sonymen qatar basqarma basshysy oblys aýmaǵynda órtterdiń aldyn alý jáne joıý jónindegi atqarylǵan jumys barysyna da toqtalyp ótti.

Oblystyq tótenshe jaǵdaılar departamentiniń bastyǵy Ermek Mombaevtyń aıtýynsha, ústimizdegi jyly dala alqaptarynda 6 tabıǵı órt tirkelip, 14 gektardy jalyn sharpyǵan. Órttiń aldyn alý maqsatynda 11 myń gektar orman ekpeleriniń aınalasy jyrtylǵan. Degenmen, bul jumys oblysta 46 paıyzǵa oryndalǵan.

«Jylda aǵash kóshetteri otyrǵyzylady, biraq onyń qansha paıyzy kóktep, qanshasynyń qýrap ketkenin eseptep jatqan eshkim joq. Osyny zerdelep shyǵýdy tıisti mekemege tapsyrǵan bolatynmyn. Tal otyrǵyzǵan ekenbiz, endeshe ony sýmen qamtýdy da esten shyǵarmaýǵa tıispiz», - dedi Berdibek Saparbaev.

Oblys ákimi orman qory jerlerin egistikke, shabyndyqqa jáne mal jaıylymyna paıdalaný jaǵyn da qarastyrý týraly tapsyrma berdi. Sodan keıin eldi mekenderdiń aınalasyna egilgen tal-daraqtarǵa sý jetkizilmese qýrap ketetinin qala jáne aýdan ákimderiniń nazaryna sala otyryp, olardy kútimge alýdy tapsyrdy.


Avtor Saıa Sembaı
Basty sózder: Jambyl oblysy, Oqıǵa,
Joǵary qaraı