Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynda jylyna 150 myń tonna qant óndiretin jańa zaýyt salynady

2021 jyldyń 2 naýryz 2021 09:27

NUR-SULTAN. QazAqparat – Jambyl oblysynda jylyna 150 myń tonna qant óndiretin jańa qant zaýyty salynady. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Qazirgi ýaqytta otanymyzda óndiriletin qant tapshylyǵy 240 myń tonnany nemese qajettiliktiń jartysynan kóbin quraıdy. Іshki naryqty molyqtyrý Almaty oblysyndaǵy qant zaýytyn jańǵyrtý, sondaı-aq Jambyl oblysynda qýaty 150 myń tonna qant óndiretin jańa qant zaýytyn salý esebinen boljanyp otyr. Qosymsha 175 myń tonna qant óndirý esebinen qant tapshylyǵyn sheship, 80 paıyz qamtamasyz etý kólemine shyǵý josparlanýda», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan Saparhan Omarov.

Sonymen qatar, mınıstr qazirgi ýaqytta balyq ónimderimen ishki naryqty qamtamasyz etý 60,8 paıyzdy quraıtyndyǵyn aıtty.

«Іshki naryqty molyqtyrý úshin óndirý qýaty 13,5 myń tonna balyqty quraıtyn 8 joba iske qosylatyn bolady. Bul qamtamasyz etý kólemin 100 paıyzǵa deıin jetkizýge múmkindik beredi», - dedi ol.


Joǵary qaraı