Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysyndaǵy 222 mektep oqýshylardy qashyqtan oqytýda

2021 jyldyń 18 qańtar 2021 04:17

TARAZ. QazAqparat – Jambyl oblysynda aǵymdaǵy oqý jylynyń ІІІ toqsanynda 222 mektep oqýshylardy qashyqtan oqytýda, dep habarlaıdy QazAqparat tilshisi.

Qazirgi tańda óńirdegi mektepterdegi oqý úrdisi 3 túrli formatta júzege asýda. Bul týraly Jambyl oblystyq Bilim basqarmasynyń basshysy Gúlnar Hodjabergenova ÓKQ aqparat alańynda ótken brıfıngte baıandady.

«ІІІ toqsanda 222 mektepte 117 121 oqýshy qashyqtan oqytylyp jatyr. Bul óńirdegi barlyq oqýshylardyń 49 paıyzyn quraıdy. Al, epıdemıologııalyq jaǵdaıy turaqty alys aýyl-aımaqtardaǵy oqýshy sany 300-ge deıingi 234 mektepte 36 632 oqýshy dástúrli túrde bilim alýda. Bul 15,2 paıyzǵa shaq. Qashyqtan oqıtyn mektepterdegi 1-5 synyp oqýshylary úshin 4785 «kezekshi synyp» ashylyp, onda 61217 oqýshyny dástúrli túrde oqytýdamyz» — dedi, Gúlnar Hodjabergenova.

Aımaqtyń bas pedagogy mektep bitirýshi 9 jáne 11 synyptardyń barlyq oqýshylary dástúrli formatta oqýdy bastaǵanyn aıtty. Olarda oqý pánderiniń 70 paıyzy dástúrli túrde, al qalǵan 30 paıyzy qashyqtan oqytylady. Kezekshi synyptardaǵy oqýshylardyń sany 15 adamnan aspaýy qajet. Sabaq ýaqyty 30 mınýttan aspaıdy jáne úziliske 5 mınýt berilgen.

Aıta ketý kerek, jalpy aımaqtaǵy 456 mektepte 240 813 oqýshy bilim alyp jatyr. Al osy aıdyń 11 qańtarynan bastap oqý jylynyń úshinshi toqsany bastalǵany belgili. Bilim oshaqtaryndaǵy úshinshi kezeń 20 naýryzǵa deıin jalǵasady.

Al, ekinshi semestrde kásiptik jáne tehnıkalyq bilim berý uıymdaryndaǵy stýdentter aralas formatta oqıdy. ıAǵnı, pánderdiń 70 paıyzy shtattyq rejımde, 30 paıyzy qashyqtyqtyqtan ótedi. Kolledjerde oqytý isi 15 stýdentten aspaıtyn shaǵyn toptarda júrgizilýi tıis. Demek, aýdıtorııanyń toltyrylýy 50 paıyzdan aspaýy kerek.


Joǵary qaraı