Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysyndaǵy oq-dáriler qoımasynda taǵy da jarylys boldy

2021 jyldyń 10 qazan 2021 11:34

NUR-SULTAN. QazAqparat - Jambyl oblysynda oq-dáriler qoımasyndaǵy zaqymdanǵan jarylǵysh zattar órtendi, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

«2021 jyldyń 10 qazanynda saǵat 7.20 shamasynda Jambyl oblysynyń Sarykemer aýylyndaǵy ınjenerlik oq-dáriler qoımasynyń aýmaǵynda buryn zaqymdanǵan jarylǵysh zattar órtendi.

Jarylys saldarynan oq-dárilerdiń qaldyqtary men bólshekteri jan-jaqqa ushpaǵan. Bul jumystan tys ýaqytta oryn aldy. Jaqyn jerde adamdar bolmaǵan. Ǵımarattar men qurylystar zaqymdalmaǵan. Aýdandaǵy ahýal turaqty»,- dep málim etti baspasóz qyzmeti.

Aldaǵy ýaqytta da bundaı jaǵdaılar oryn alý múmkin. Odan bólek, qoıma aýmaǵynda qaýipti oq-dárilerdiń baqylanatyn jarylystary júrgiziletin bolady.

Qazirgi ýaqytta órtengen qoımanyń tehnıkalyq aýmaǵyn jarylǵysh zattardan tazartý jumystary jalǵasýda.


Joǵary qaraı