Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynyń 4 mektebinde birneshe synyp karantınge jiberildi

2021 jyldyń 10 qyrkúıek 2021 17:24

NUR-SULTAN. QazAqparat – Jańa oqý jyly bastalǵannan beri Jambyl oblysynyń 4 mektebinde birneshe synyp karantınge jiberildi, dep habarlaıdy QazAqparat tilshisi.

Ortalyq kommýnıkatsııalar qyzmetinde ótip jatqan brıfıngide BPQ ókilderiniń saýalyna jaýap bergen Jambyl oblysy sanıtarııalyq-epıdemıologııalyq baqylaý departamenti basshysynyń orynbasary Baǵlan Qydyrbaev osyndaı málimet berdi

«Jambyl oblysy boıynsha 1 qyrkúıekten bastap bir balabaqsha tárbıelenýshisi aýrý juqtyrǵan. Al oqýshylar arasynda koronavırýs ınfektsııasynyń 59 jaǵdaıy tirkelip otyr. Onyń ishinde 57 jaǵdaı oqý protsesiniń bastalýyna baılanysty emes. Taraz qalasynyń 2 mektebiniń 2 synybynda karantın engizý jáne 48 oqýshy men muǵalimderdi úı karantınine kóshirý týraly eki qaýly shyǵaryldy», - dedi departament ókili.

Onyń sózine qaraǵanda, pedagogter arasynda 1 qyrkúıekten bastap oblys boıynsha 12 jaǵdaı tirkelgen.

«Onyń ishinde 7 mektep muǵalimi, 2 mektep-ınternattyń pedagogy, 2 JOO oqytýshysy jáne 1 balabaqsha tárbıeshisi bar. 2 mekteptiń 2 synybyndaǵy 43 oqýshyny, muǵalimdi úı karantınine kóshirý týraly 2 qaýly shyǵaryldy», - dedi Baǵlan Qydyrbaev.


Joǵary qaraı