Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl oblysynyń Jambyl aýylynda Jambyl atyndaǵy mektep ashyldy

2021 jyldyń 22 naýryz 2021 02:33

TARAZ. QazAqparat – Jambyl oblysyndaǵy Jambyl aýdanynyń Jambyl aýylynda Jambyl atyndaǵy mektep ashyldy, dep habarlaıdy QazAqparat tilshisi.

Saltanatty sharaǵa aımaq basshysy Berdibek Saparbaev arnaıy qatysty.

Shaǵyn aýylda 68 úı bar desek, ondaǵy turǵyndar sany – 546. Osyǵan oraı jańa mektep te kishigirim, eki qabatty, jınaqy bolyp boı kótergen. 100 oqýshylyq orynǵa arnalǵan oqý ordasynda 18 kabınet bar jáne ashana, kitaphana, sportzal, eki sheberhana, jyly ájethanamen qamtylǵan. Onda 14 beınekamera ornatylǵan.





Mektep «Jumyspen qamtýdyń jol kartasy» baǵdarlamasy aıasynda salyndy desek, onyń qurylysyna 479 mıllıon teńge bólingen. Merdiger – «TarazQurylysInvest» JShS.

«Bilim berý júıesin jetildirý, jas urpaqty ulttyq dástúr rýhynda tárbıeleý – qashanda memlekettiń nazarynda. Bilimdi jáne mádenıetti jas urpaq, sapaly adam kapıtaly – eldiń turaqty damýynyń kepili. Sondyqtan birinshi kezekte mektepter salý men bilim sapasyn arttyrýǵa barynsha kóńil bólinedi. Ótken jyly óńirimizde 21 bilim berý nysanynyń qurylysy bastalyp, onyń 13-i paıdalanýǵa berildi. Bıyl 175 jyldyǵy atap ótiletin Jyr alyby – Jambyl Jabaevtyń esimin jańa mektep qana emes, aýyl da, aýdan da, oblys ta ıelengen. Onyń shyǵarmalary – bizge ǵasyrlar boıy rýhanı azyq bolatyn óshpes muramyz ekendigi sózsiz. Barlyq aýyl turǵyndaryn aıtýly oqıǵamen quttyqtaımyn!» - dedi oblys ákimi Berdibek Saparbaev.





Jergilikti aqsaqal Estaı Álıev aýyldyqtardyń tatý ekenin, barlyq máselelerdi birlesip sheshýge tyrysatynyn atap ótti. Aýyl negizgi ınfraqurylymdar – aýyz sý jáne gaz, jaqsy joldarmen qamtylǵan.

«Ákimdik bizdiń ótinishterimizdi eskerýsiz qaldyrmaıdy, sol úshin halyq atynan úlken rahmet aıtqym keledi», - deıdi aqsaqal.




Budan soń saltanatty túrde «TarazQurylysInvest» JShS basshysynyń orynbasary Oljas Qasymjan mektep dırektory Samat Myńjasarovqa sımvolıkalyq kiltti tabystady. Al foıede bastaýysh synyp oqýshylary «Erke sylqym» kúıin oryndap, baýyrsaq túrleri týraly áńgimelep, qonaqtarǵa merekelik taǵamdar usyndy.





Joǵary qaraı