Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl Jabaevtyń «Jambyl álemi» 30 tomdyq shyǵarmalar jınaǵynyń tusaýy kesildi

2021 jyldyń 4 jeltoqsan 2021 10:15

TALDYQORǴAN. QazAqparat - Almaty oblysynda QR Memlekettik hatshysy Qyrymbek Kósherbaevtyń qatysýymen jyr alyby Jambyl Jabaevtyń «Jambyl álemi» 30 tomdyq shyǵarmalar jınaǵynyń tusaýy kesildi, dep habarlaıdy QazAqparat tilshisi.

Aqyn mýzeıindegi bul sharada shyǵarmashyl jastarmen kezdesý uıymdastyrylyp, rýhanııat taqyrybynda ózara pikir almasý ótti.

Jambyl Jabaevtyń 175 jyldyǵy men el Táýelsizdiginiń 30 jyldyǵy úılestirilgen jıynǵa QR Premer-Mınıstriniń orynbasary Eraly Toǵjanov, Almaty oblysynyń ákimi Qanat Bozymbaev, QR Mádenıet jáne sport mınıstri Aqtoty Raıymqulova, Qyrǵyz eliniń delegatsııasyn bastap kelgen Qyrǵyzstan Memlekettik hatshysy Súıúmbek Kasmambetov qatysty.

Aldymen resmı qonaqtar Jambyl Jabaev pen Nurǵısa Tilendıevtiń eskertkishterine gúl shoqtaryn qoıyp taǵzym etti. Munan soń aqyn mýzeıinde Almaty oblysy ákimdiginiń Qazaqstan Jazýshylar odaǵymen birlesip shyǵarǵan 30 tomdyq «Jambyl álemi» kitaptarynyń tusaýy kesildi.




Almaty oblysynyń ákimi Qanat Bozymbaev óńirde Jambyl Jabaevtyń mereıtoıyna baǵyttalyp ótkizilgen sharalarǵa qysqasha toqtalyp ótti.

«Mine, ózderińizben birge Jambyl Jabaev ádebı-memorıaldy mýzeıinde elimizdiń keleshegin kemel etetin respýblıkamyzǵa belgili jas aqyn-jazýshylarmen kezdesip, Qazaqstan Jazýshylar odaǵy basqarmasymen birlesip shyǵarǵan «Jambyl álemi» 30 tomdyǵynyń tusaýkeser rásimin saltanatty túrde atqaryp otyrmyz. Bul ǵasyrdan ǵasyrǵa mura bolyp qalatyn ádebı altyn qor dep sanaımyn. Ulylarymyzdy ulyqtaıtyn ıgi isterimiz kóp bolsyn«- dedi Q.Bozymbaev.

«Jambyl álemi» 30 tomdyǵyn Almaty oblysynyń ákimdigi Jazýshylar odaǵymen birlesip shyǵardy. Oǵan oblystyq bıýdjetten 114 mln teńge bólindi. Onda aqynnyń ómir tarıhy, shet tilden aýdarylǵan shyǵarmalary, mýzykalyq murasy, Jambyl Jabaev týraly zertteýler, estelikter, aqynnyń ustazdary Súıinbaı, Qaban jyraý, Maılyqoja, zamandastary, shákirtteri týraly derekter men shyǵarmalary, J.Jabaev týraly kórkem shyǵarmalar, Jambyldyń talantty urpaqtary jaıly jáne basqa da derekter engizilgen.





Joǵary qaraı