Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jambyl joldarynyń 60 paıyzyn aýyr júk kólikteri búldiredi

2021 jyldyń 3 naýryz 2021 22:23

TARAZ. QazAqparat – Jambyl oblysynda jergilikti joldardyń 60 paıyzy aýyr júk kólikteriniń saldarynan buzylady, dep habarlaıdy QazAqparat tilshisi.

Óńirde jyl saıyn jergilikti mańyzy bar avtomobıl joldary ortasha jóndeýden ótedi. Taldaý nátıjeleri kórsetkendeı 60 paıyz avtojoldardyń qıraýy aýyr júk kólikteriniń kóbeıýine baılanysty.

Óńirlik kommýnıkatsııalar qyzmetiniń alańynda ótken brıfıngte Ulttyq jol aktıvteri sapasy ortalyǵy Jambyl oblysy boıynsha fılıalynyń dırektory Myrzahmet Ibragımov jol sapasy men aqaýy jaıly baıandady.

Spıkerdiń aıtýynsha, Jambyl oblysynyń jergilikti mańyzy bar avtomobıl joldarynda aýyr júk kólikteri kóp qatynaıdy.

Al avtomobıl joldarynyń deni ótken ǵasyrdyń 60-70 jyldary salynǵan.

Sondyqtan jol tóseminiń qurylymy kóliktiń ár osine júkteme salmaǵy 8 tonnaǵa ǵana eseptelgen eken.

«2020 jyldyń sońyna deıin bizdiń mamandar respýblıkalyq jáne jergilikti mańyzy bar avtojoldarǵa 1038 ret shyqty, 275 nysanǵa is-sapar jasadyq. Jumystyń jáne materıaldardyń sapasyn saraptadyq. Ol úshin 1349 dana jol qurylys materıaldaryn alyp, synama jasadyq. 151 eskertý anyqtaldy»,- dedi, M. Ibragımov.

Fılıal dırektory jol sapasyn anyqtaý jumystaryna 135 mln teńge qarjy bólinip, ol tolyq ıgerilgenin jetkizdi.

Bıyl da respýblıkalyq mańyzy bar joldardyń jumysy men materıaldarynyń sapasy saraptalmaq. Al saraptaý úshin 65 mln 830 657 myń teńge josparlanypty.

Aıta ketý kerek, jol sapasyna jiti tekserýshi mekeme tehnıkalyq qadaǵalaý qyzmetterine razy emestigin jetkizdi.

Sala mamandarynyń salǵyrttyǵy mezi etken kórinedi.

«Osy jerde erekshe atap ótkim keledi. Tehnıkalyq qadaǵalaý qyzmetiniń jumysy tym nashar. Jumystaryn sylbyr oryndaıdy. Tipti olardyń qurylys kezinde baqylaý júrgizetindikterine kúmánim bar»,-dedi spıker.


Avtor Saıa Sembaı
Basty sózder: Jambyl oblysy, Kólik, Jol,
Joǵary qaraı