Aýa raıy
Astana -9 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda 100-ge jýyq jalǵyzbasty zeınetkerdiń úıin jóndeýge kómek berilgen

2020 jyldyń 26 qarasha 2020 06:20

TARAZ. QazAqparat – Jambyl oblysynda sońǵy úsh jylda 97 jalǵyzbasty zeınetkerlerdiń turǵyn úıi jóndelgen. Bul týraly óńirlik kommýnıkatsııalar qyzmetinde ótken brıfıngide oblystyq Ardagerler keńesiniń tóraǵasy Erkimbek Soltybaev aıtty, dep habarlaıdy QazAqparat tilshisi.

Erkinbek Soltybaev óńirde sońǵy 3 jylda zeınetkerlerge materıaldyq jáne qarjylyq kómektiń kóptegen túri kórsetilgenin aıtty. Ol qart adamdardy áleýmettik qoldaý aılyqtary aıasynda júzege asqan.

Atap aıtsaq, oblystaǵy 97 jalǵyzbasty-zeınetkerlerdiń turǵyn úıleri jóndelip, 245 adamǵa kommýnaldyq qyzmet aqylaryn tóleýge járdem berilipti. Sondaı-aq, 2556 adamǵa azyq-túlik sebeti tapsyrylǵan.

Osy jyldar ishinde 465 ardager saýyqtyrý oryndaryna joldamamen jiberilgen. Sonymen qatar, aýyldyq jerlerde turatyn 567 zeınetkerdiń malyna jem-shóp túsirilip, 237 zeınetkerlerge qystyq otyn daıyndalǵan.

3349 adamǵa merekelik túski as berilgen. 1069 zeınetkerge qarjylaı járdem berilip, 530 zeınetkerge volonterlyq kómekter kórsetilgeni aıtyldy.

«Biz sońǵy úsh jylda jalpy sany 1969 sharapaty mol is-shara ótkizippiz. Onyń 174-i qaıyrymdylyq senbilik, 159 áleýmettik jármeńke, dárigerlik mekemelerde 167 ashyq esik kúnin, 395 kontsert, 253 sporttyq sharalar men 472 dóńgelek ústel uıymdastyrdyq»,- dedi E. Soltybaev.

Avtor Saıa Sembaı
Basty sózder: Jambyl oblysy, Qurylys,
Joǵary qaraı