Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda 76 pəterli turǵyn úı paıdalanýǵa berildi

2021 jyldyń 9 maýsym 2021 21:11

TARAZ. QazAqparat – Jambyl oblysy Asa aýylynda 76 pəterli kópqabatty turǵyn úı paıdalanýǵa berildi,- dep habarlaıdy QazAqparat tilshisi.

«Jumyspen qamtýdyń jol kartasy» baǵdarlamasy aıasynda boı kótergen turǵyn úıdiń qurylysyn «Bınom» JShS bir jylda aıaqtaǵan. Joba quny 599 mıllıon teńge.

Bes qabatty turǵyn úıde 36 bir bólmeli, 16 eki bólmeli, 24 úsh bólmeli pəterler bar. Páter kiltine ıe bolǵandardyń deni jetim bala, kópbalaly ana, múmkindigi shekteýli azamattar.

Oblys əkimi Berdibek Saparbaev aýdan turǵyndaryn qonys toıymen quttyqtady.

«Jambyl aýdanynda pəter kezeginde 1019 adam tur. Sol kezekti azaıtý maqsatynda Asa aýylynda taǵy tórt kópqabatty turǵyn úı salynyp, 320 adamdy pətermen qamtýdy oılap otyrmyz. Budan bólek, 7 eldimekende eki myńǵa jýyq jer telimin berý josparlanyp otyr. Asa aýylyndaǵy 811 jer telimine ınfraqurylym tartý jumystary júrgizilýde. Sondaı-aq, oblysta «Asarlatyp úı salý» jobasy bıyl da jalǵasyn tabatyn bolady. Ony biz demeýshilerdiń kúshimen júzege asyrýdamyz, - dedi aımaq basshysy.




Óz kezeginde jańa qonys ıesi, jeti balanyń anasy Aınur Begalıeva óz qýanyshyn jasyra almdy. Ol toǵyz jyldan beri úı kezegine turyp kelipti. «Əsirese balalarym qatty qýanyp júr. Buǵan deıin pəter jaldap kelsek endi óz úıimizdiń bolǵanyna sene alar emespiz. Qýanyshymyzda shek joq»,-deıdi ol.





Avtor Saıa Sembaı
Basty sózder: Jambyl oblysy, Aımaq, Turǵyn úı,
Joǵary qaraı