Aýa raıy
Astana 19 °S
Almaty 20 °S
valıýta baǵamy
USD 411.66
EUR 465.92
RUB 5.81
CNY 58.79

Jambylda alǵash ret lımon kóshetteri egildi

2019 jyldyń 12 qarasha 2019 13:03

TARAZ. QazAqparat – Jambyl oblysynda alǵashqy lımon kóshetteri otyrǵyzyldy, dep habarlaıdy QazAqparat tilshisi.

Jambyl oblystyq kásipkerler palatasynyń bastamasymen aýyldaǵy áleýmettik-ekonomıkalyq jaǵdaıdy arttyrý maqsatynda jeke qosalqy sharýashylyqty damytý boıynsha pılottyq joba qolǵa alynǵan. Joba aıasynda óńirdiń barlyq aýdandarynda lımon, anar, júzim jáne badam ósirý boıynsha oqytý semınarlary ótken bolatyn. Onda spıkerler retinde otandyq jáne sheteldik sarapshylar, tájirıbeli mamandar tartylyp, bilgenderimen bólisken edi.

Soǵan oraı palata jeke qosalqy sharýashylyqtar úshin qolda bar aýyl sharýashylyǵy qyzmetiniń áleýetti túrleriniń tıimdiligine taldaý júrgizip, aımaqtyń klımattyq jaǵdaıyna sáıkes keletin joǵary salmaqty baǵyttardy iriktep alǵan. Búginde Merki, Qordaı, T. Rysqulov jáne Jýaly aýdanynda lımon kóshetterin otyrǵyzý bastaldy.




Palata jylyjaı keshenderin, jemis-jıdek, jańǵaq daqyldary tálimbaqtaryn, sándik kóshetter men shaǵyn ferma salý úshin jalpy alańy 6 gektardy quraıtyn «Agroaýmaq» jobasyn qolǵa alýda.

«Óńirlik palata oblystyń barlyq aýdandarynda shaǵyn jylyjaı salý jáne jemis-jıdek daqyldaryn ósirý úshin «Agroaýmaqqa» jer telimderi bólinýde. Bul jobalar jemis-jıdek, kókónis daqyldaryn óndirýdi uıymdastyrýǵa múmkindik beredi. Bul kásipkerdiń tabysy men básekege qabiletin arttyrýǵa yqpal jasaıdy. Sondaı-aq halyqty otandyq óndiristiń sapaly tabıǵı kókónis ónimderimen qamtamasyz etedi», - deıdi Jambyl oblysy kásipkerler palatasynyń dırektory Oljas Qarjaýov.




Joǵary qaraı