Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jambylda avtobýs júrgizýshileri bir kúnde 150-den astam jol erejesin buzǵan

2021 jyldyń 14 maýsym 2021 07:48

TARAZ. QazAqparat – Jambylda avtobýs júrgizýshileri tarapynan bir kúnde jol qozǵalysy erejelerin buzýdyń 157 deregi anyqtaldy,- dep habarlaıdy QazAqparat tilshisi.

Jambyl oblysy aýmaǵynda «Avtobýs» atty respýblıkalyq jedel-profılaktıkalyq is-sharasy bastaldy. Іs-shara barysynda kóliktik baqylaý ınspektsııasynyń aýmaqtyq bólimshelerimen, Memlekettik kirister departamentimen jáne ózge de múddeli organdardyń ókilderimen birlesip, jolǵa shyǵar aldynda qalalyq avtobýstardyń tehnıkalyq jaı-kúıin, júrgizýshilerdiń tirkeý qujattarynyń bolýy tekserý júzege asyrylady.

«Respýblıkalyq is-sharanyń birinshi kúni qoǵamdyq kólik júrgizýshileri tarapynan jol qozǵalysy erejelerin buzýdyń 157 deregi anyqtaldy. Naqtyraq aıtqanda 30 avtobýs júrgizýshisi manevr erejelerin buzsa, 30 júrgizýshi qozǵalys kezinde telefondy paıdalanǵany belgili boldy. Jyldamdyq rejımin buzýdyń 15 deregine ákimshilik hattama toltyrylyp, úsh avtobýs aıyp turaǵyna qoıyldy», – dep atap ótti Jambyl oblysy PD jergilikti polıtsııa qyzmeti basqarmasynyń bastyǵy Rahymberdi Áshkeev.

Barlyq buzýshylyqtar boıynsha ákimshilik hattamalar toltyrylǵan. Sonymen qatar polıtsııa qyzmetkerleri jolaýshylar men júkterdi qoǵamdyq kólikte zańsyz tasymaldaýdyń aldyn alý boıynsha tıisti sharalar qabyldaýda.

Aǵymdaǵy jyldyń basynan beri oblys joldarynda avtobýs júrgizýshileriniń kinásinen eki JKO tirkelip, úsh adam jaraqat alǵan.


Avtor Saıa Sembaı
Basty sózder: Jambyl oblysy, Qoǵam, Kólik,
Joǵary qaraı